ខេត្តស្ទឹងត្រែង ៖ នាយឧត្តមសនីយ៍ កែ គឹមយ៉ាន បានឲ្យដឹងថា តាមរយៈសកម្មភាពការងារប្រយុទ្ធប្រឆាំងគ្រឿងញៀននេះ ក្នុងឆ្នាំ២០១៨នេះ អាជ្ញាធរប្រយុទ្ធប្រឆាំងគ្រឿងញៀនបង្ក្រាបបានបទល្មើសគ្រឿងផ្នែក ទិសឦសានរួមមានខេត្តរតនៈគិរី ស្ទឹងត្រែង ព្រះវិហា មណ្ឌលគិរី និងក្រចេះ បង្ក្រាបបានបទល្មើសសរុប ៣៣៤ករណី ឃាត់ខ្លួនជនសង្ស័យបាន ៦៨៧នាក់ ស្រី ៩៨នាក់ និងចាប់បានវត្ថុតាំងគ្រឿងញៀនប្រមាណ២០០គីឡូក្រាម បើធៀបនិងឆ្នាំ២០១៧នេះប្រមាណជា៥៣៦គីឡូក្រាម មានន័យថាស្មើរជិត៤០ភាគរយ។
ថ្ងៃទី២៩ ខែមករា ឆ្នាំ២០១៩ លោក នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដឹកនាំអង្គសិក្ខាសាលាស្តីពីការត្រួតពិនិត្យគ្រឿងញៀនទិសឦសាន្ត និងការអនុវត្តផែនការភូមិ-ឃុំ/សង្កាត់ ស គ្មានគ្រឿងញៀន ដោយមានការអញ្ជើញចូលរួមពីតំណាងក្រសួង ស្ថាប័ន ជាអនុប្រធាន សមាជិករបស់អាជ្ញាធរជាតិប្រយុទ្ធប្រឆាំងគ្រឿងញៀន គណកម្មាធិការត្រួតពិនិត្យគ្រឿងញៀនខេត្តជាប់ព្រំដែន ស្រុក ឃុំ សង្កាត់ ភូមិអនុវត្តផែនការភូមិ-ឃុំ/សង្កាត់ ស គ្មានគ្រឿងញៀន និងតំណាងភាគីមិត្ត ថៃ វៀតណាម ឡាវ ចូលរួម សរុបចំនួន២៥០នាក់ ។
លោក ម៉ុំ សារឿន អភិបាល ប្រធានគណៈកម្មាធិកាត្ររួតពិនិត្យគ្រឿងញៀនខេត្តស្ទឹងត្រែង បានមានប្រសាសន៍ថា សិក្ខាសាលានេះពិតជាផ្តល់នូវសារៈសំខាន់ដោយបានបង្ហាញនូវលទ្ធផលការងារត្រួតពិនិត្យគ្រឿងញៀន ជាពិសេស គឺការអនុវត្តផែនការភូមិ-ឃុំ/សង្កាត់ សគ្មានគ្រឿងញៀន ដើម្បីបន្តពង្រឹងឲ្យកាន់តែរឹងមាំ និងសកម្មបន្ថែមទៀតក្នុងការអនុវត្តវិធានការប្រយុទ្ធប្រឆាំងគ្រឿងញៀន សម្រាប់ខេត្តនៅទិសឦសាននៃព្រះរាជាណាចក្រកម្ពុជា។
លោក នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ បានមានប្រសាសន៍ថា ខេត្តស្ទឹងត្រែង ខេត្តព្រះវិហារដែលពួកឧក្រិដ្ឋជនគ្រឿងញៀននាំឆ្លងកាត់ញឹកញាប់ចូលមកកម្ពុជា នូវប្រភេទគ្រឿងញៀនមេតំហ្វេតាមីន(Ice-Wy) កេតាមីន ហេរ៉ូអ៊ីននិងកញ្ឆាក្រៀម ដែលកម្ពុជាបានបើកកិច្ចប្រតិបត្តិបង្ក្រាបបានជាច្រើនករណី។
ក្នុងឱកាសនោះ លោក នាយឧត្តមសេនីយ៍ កែ គឹមយ៉ាន បានប្រសាសន៍ដោយថ្លែងអំណរអរគុណចំពោះ ប្រជាពលរដ្ឋ និងអ្នកពាក់ព័ន្ធទាំងអស់ នៃបណ្តាខេត្តភាគឦសាន ដែលបានចូលរួមចំណែកយ៉ាងធំធេងក្នុងការ ទប់ស្កាត់លំហូរចូលគ្រឿងញៀនខុសច្បាប់ ពីតំបន់ព្រំដែនចូលក្នុងប្រទេស ដែលសកម្មភាពទាំងនេះបានជួយដោះស្រាយបញ្ហាជាច្រើន គួរឱ្យកត់សំគាល់ ក្នុងការប្រយុទ្ធប្រឆាំងគ្រឿងញៀន ។
ក្នុងឱកាសនោះដែរលោក នាយឧត្តមសេនីយ៍ កែ គឹមយ៉ាន បានថ្លែងបន្តថា ប្រទេសកម្ពុជាយើងមិនមែនជាប្រទេសផលិតគ្រឿងញៀនទេ តែជាប្រទេសមានការចរាចរគ្រឿងញៀនឆ្លងកាត់ពីប្រទេសនានាក្នុងតំបន់ ចូលមកក្នុងប្រទេសកម្ពុជា និងបន្តនាំចេញទៅប្រទេសទី៣ ។ តាមរបាយការណ៍របស់អាជ្ញាធរមានសមត្ថកិច្ចយើងពិនិត្យឃើញថាខេត្តភាគឦសាន ជាពិសេសគឺខេត្តស្ទឹងត្រែង និងខេត្តព្រះវិហារ ជាខេត្តដែលមានការចរាចរឆ្លងកាត់គ្រឿងញៀនពីតំបន់ព្រំដែនកម្ពុជា-ឡាវ ចូលក្នុងប្រទេស និងមួយចំនួនបន្តនាំទៅដល់ប្រទេសថៃ និងប្រទេសវៀតណាម នៅសល់មួយចំនួនប្រើប្រាស់ក្នុងប្រទេស តាមគោលដៅដែលប្រឈមមួយចំនួន ដូចជា តំបន់ទេសចរណ៍ ក្នុងក្លឹបកំសាន្តនានា ផ្ទះសំណាក់ និងសំណង់មិនរៀបរយ ។ល។ ដែលធ្វើឱ្យប៉ះពាល់យ៉ាងធ្ងន់ធ្ងរដល់យុវជនយើង និងខាតបង់នូវធនធានមនុស្សសម្រាប់អភិវឌ្ឍន៍សេដ្ឋកិច្ចជាតិ ។
លោកនាយឧត្តមសនីយ៍ កែ គឹមយ៉ាន ឧបនាយករដ្ឋមន្ត្រី ជាប្រធានអាជ្ញាធរជាតិ ប្រយុទ្ធប្រឆាំង គ្រឿងញៀនបានកត់សម្គាល់ថា បញ្ហាគ្រឿងញៀនជាបញ្ហាស្មុកស្មាញបំផុតដែលពិភពលោកក៏ដូចជារាជរដ្ឋាភិបាលកម្ពុជាកំពុងទប់ស្កាត់ បើទោះបីប្រទេសកម្ពុជាមិនមែនជាប្រទេសផលិតគ្រឿងញៀនក្តី ប៉ុន្តែប្រទេសកម្ពុជា ជាប្រទេសដែលឧក្រឹដ្ឋជនគ្រឿងញៀនបានចរាចរណ៍គ្រឿងញៀនឆ្លងកាត់ពីប្រទេសនានា ក្នុងតំបន់និងបន្តនាំចេញទៅប្រទេសទី៣ ជាពិសេសតំបន់ភាគឦសានមានខេត្តស្ទឹងត្រែង ខេត្តព្រះវិហា ដែលមានការចរាចណ៍ឆ្លងកាត់គ្រឿងញៀនពីតំបន់ព្រំដែនឡាវ ចូលមកក្នុងប្រទេសនិងមួយចំនួនបន្តទៅប្រទេសថៃ វៀតណាម និងមួយចំនួនធំប្រើប្រាស់ក្នុងប្រទេសកម្ពុជា។
ទោះបីបញ្ហាគ្រឿងញៀនជាបញ្ហាស្មុកស្មាញយ៉ាងណាក្តី លោកនាយឧត្តមសនីយ៍ កែ គឹមយ៉ាន បានបញ្ហាក់ថា អាជ្ញាធរប្រយុទ្ធប្រឆាំងគ្រឿងញៀននៅបាន អនុវត្តការងារប្រយុទ្ធប្រឆាំងគ្រឿងញៀនរបស់ខ្លួនល្អប្រសើ ធ្វើឲ្យបញ្ហាគ្រឿងញៀននិងបទល្មើសផ្សេងៗទៀតគួកត់សម្គាល់ ។ តាមរយៈសកម្មភាពទាំងនេះ បានធ្វើឲ្យប្រជាពលរដ្ឋមានភាពកក់ក្តៅ និងទទួលបានការកោតសរសើពីមជ្ឍដ្ឋានអន្តរជាតិ។ លោកបន្ថែមថា បញ្ហាគ្រឿនប៉ុន្មានឆ្នាំមុនមកនេះ បញ្ហាគ្រឿងញៀនបានហូចូលរពីព្រំដែនថៃ ប៉ុន្តែពីភាគីថ្ងៃបានប្រតិត្តិការណ៍ខ្លាំង ឧក្រឹដ្ឋជន បានបង្វែមកបែកឦសានវិញ ដូចនេះអាជ្ញាធរត្រូវយកចិត្តទុក ក្នុងការសហការបង្ក្រាប ពិសេសតាមបណ្តោយព្រំដែន ៕ ដោយ ៖ បញ្ញាស័ក្តិ