ពិតណាស់! យើងបានឈានដល់សម័យកាលដែល Google កំពុងត្រួតត្រាគ្រប់សកម្មភាព ។ អ្វីមិនយល់ មិនចេះសួរ Google ទៅដឹងហើយ ។ តើពិតដូច្នេះមែនទេ?។
រឿងរ៉ាវរបស់នារីម្នាក់ គ្រាគាត់ហួសចិត្តត្បិតត្រូវ Google ព្រលែង១ក្បាច់ ខណៈពេលគាត់សាកសួរពីរបៀបស្ងោរមាន់ដែរ ។
គាត់បានបង្ហោះរូបភាពព្រមនឹងខ្លឹមសារហួសចិត្តថា ខ្ញុំបានធ្វើតាមការបង្ហាត់បង្ហាញរបៀបស្ងោរមាន់សែនឲ្យឡើងពណ៌លឿងហើយមានសោភ័ណភាព ។ ប៉ុន្តែមិនដឹងយ៉ាងណាបានជាក្បាលរបស់វាពុំព្រមងើយត្រង់សោះ… ខ្ញុំចង់តែយំទេ ហិហិហិ ។
ខ្ញុំសូមបញ្ជាក់ថា ខ្ញុំធ្វើយ៉ាងម៉ត់ចត់តែស្មានពុំដល់…មិនដឹងជាដូនតាថាយ៉ាងម៉េចទេ បើវាជា…ផ្នែកៗដូច្នេះ ។
ដូច្នេះប្រិយមិត្តពុំត្រូវងប់ងល់លើ Google ពេកទេណា! កុំឲ្យដូច…ខ្ញុំ ៕ ចន្ទ្រា
