របាយការស៊ើបអង្កេតរបស់អាមេរិចបានបញ្ជាក់ថា ប្រទេសកូរ៉េខាងជើងទំនងជាមិនបោះបង់ចោលអាវុធនុយក្លេអ៊ែរទាំងស្រុងឡើយ ចំណែកអ៊ីរ៉ង់វិញ មិនផលិតអាវុធនុយក្លេអ៊ែរទេ។
របាយការវាយតម្លៃពីការគំរាមកំហែងទូទាំងពីភពលោករបស់អាមេរិច បានអោយដឹងទៀតថា ការគំរាមកំហែងតាមប្រព័ន្ធអ៊ីធឺណេតពីសំណាក់ ចិន និងរុស្សីកំពុងធ្វើឲ្យមានការព្រួយបារម្ភយ៉ាងខ្លាំង។ ប្រទេសទាំងពីរនេះអាចនឹងកំពុងស្វែងការការជ្រៀតជ្រែកចូលក្នុងកិច្ចការបោះឆ្នោតអាមេរិចនៅឆ្នាំ ២០២០ខាងមុខ។
របាយការណ៍ពីការគំរាមកំហែងទាំងឡាយលើអាមេរិច ត្រូវបានប្រធានភ្នាក់ងារស៊ើបអង្កេតជាតិ លោក Dan Coats ដាក់ជូនព្រឹទ្ធសភានៅថ្ងៃអង្គារម្សិលមិញនេះ។
របាយការណ៍ថា កូរ៉េខាងជើងនៅតែមិនបោះបង់ឃ្លាំងអាវុធ និងសម្ថភាពផលិអាវុធរបស់ខ្លួនទេ ខណៈវាព្យាយាមចរចារលើបញ្ហាបោះបង់ចោលអាវុធនុយក្លេអ៊ែរ ដើម្បីទទួលបានការសម្បទានសំខាន់ៗពីអាមេរិច និងអន្តរជាតិ ។
ការចង់បានអាវុធនុយក្លេអ៊ែររបស់កូរ៉េខាងជើងត្រូវបានគេមើលឃើញថា វាធ្វើឲ្យរបបនោះកាន់តែដុនដាប ។
សូមបញ្ជាក់ថា មេដឹកនាំអាមេរិច និងកូរ៉េខាងជើងគ្រោងនឹងជួបគ្នាជាលើកទី ២នៅក្នុងខែ កុម្ភៈខាងមុខនេះ។ អ្នកទាំងពីរធ្លាប់បានជួបគ្នាម្តងរួចមកហើយក្នុងកិច្ចប្រជុំកំពូលលើកទី ១ កាលពីខែមិថុនា ឆ្នាំមុនក្នុងប្រទេសសិង្ហបុរី ហើយចាប់តាំងពីពេលនោះមក ដំណើរការនៃការលុបបំបាត់ចោលអាវុធនុយក្លេអ៊ែររបស់កូរ៉េខាងជើង ត្រូវបានគេមើលឃើញថា រីកចម្រើនតិចតួច ៕ សុភ័ក្ត្រ
ប្រភព៖ BBC
