ប្តីប្រពន្ធអាមេរិក ២រូប Jerry Selbee នៅ Evant (Michigan) ជាគណិតវិទូ ថ្ងៃមួយលោករើសបានខិតប័ណ្ណឃោសនាល្បែងឆ្នោតថ្មីមួយ ។ ក្រោយពេលមើលចប់ លោកសំឡឹងឃើញពីវិធី “កាច់បំបាក់” ដើម្បីរក…លុយបាន ។
ចិញ្ចឹមជីវិតខ្លួន កូន ចៅដោយសារបំពាក់គន្លឹះឆ្នោត ។
តាមនោះប្រសិនបើរង្វាន់ពិសេស៥លានដុល្លារគ្មានអ្នកត្រូវវានឹងត្រូវបានគេយកទៅបែងចែកឲ្យប្រាក់រង្វាន់សម្រាប់ ៣,៤,៥ ។ នៅពេលសួរផ្ទាល់ក្រុមហ៊ុនឆ្នោតរួច គាត់ដាក់ក្នុងចិត្តថា នេះជាឱកាសរកលុយ ។
ក្នុងលើកដំបូង លោក Jerry ទិញអស់លុយ ៣៦០០$ ហើយឈ្នះបាន ៦.៣០០ដុល្លារ ។ លើកក្រោយៗទៀតលោកបង្កើនប្រាក់ទិញហើយអត្រាចំណេញក៏កើនឡើងតាម ។
លោក Jerry ប្រាប់ភរិយាឲ្យលក់អស់ទ្រព្យសម្បត្តិ ដើម្បីធ្វើដំណើររកលុយក្នុងរយៈពេល១៧ឆ្នាំ តាមរយៈឆ្នោតនេះ ។ ភរិយាលោកថ្វីត្បិតតក់ស្លុតតែក៏ងក់ក្បាលយល់ព្រម ។ ចំណូលពី “ត្រូវឆ្នោត” កើនឡើងដល់ថ្នាក់គាត់បង្កើតជាក្រុមហ៊ុន ហើយហៅមិត្តភក្តិឲ្យចូលរួម ។
លោកប្រាប់ CBS New ថា ៖ “នេះជាគណិតវិទ្យាមូលដ្ឋានប៉ុណ្ណោះ ។ វាបានជួយខ្ញុំ គ្រួសារ ហើយមិត្តភក្តិ ។ ខ្ញុំពិតជាឆ្ងល់ថា ហេតុអ្វីពុំមានអ្នកសំឡឹងឃើញចន្លោះប្រហោងនៃល្បែងនេះ!?” ។
ប៉ុន្មានឆ្នាំកន្លងមកលោករកបាន ៨លានដុល្លារក្រោយពីបង់ពន្ធរួច និងជួយដល់បងប្អូន មិត្តភក្តិ ។ លោកក៏បានជួយឲ្យមិត្តភក្តិរកចំណូលបានប្រមាណ ១៨លានដុល្លារ ។
ឥឡូវលោកបានលក់រឿងរ៉ាវរបស់ខ្លួនឲ្យក្រុមហ៊ុនភាពយន្តមួយរបស់ Hollywood ដើម្បីយកទៅផលិតជាខ្សែភាពយន្ត ។ នេះគឺបានលុយទៀត ហើយលោកថា គន្លឹះនៃការរកលុយរបស់លោកចង់ដឹងចាំទស្សនាភាពយន្តនោះទៅ! ៕ ចន្ទ្រា