វិបត្តិបរិយាកាសរងការបំពុលនៅថៃកាន់តែយ៉ាប់ទៅៗដល់ថ្នាក់សមត្ថកិច្ចកំពុងប្រឹងប្រែងអនុវត្តបណ្តាវិធានការចម្លែកៗបំណងបន្ថយធូលីផ្សែង ។
តាមប្រព័ន្ធផ្សព្វផ្សាយប្រទេសនេះឲ្យដឹងថា វិធានការមួយក្នុងចំណោមនោះទើបត្រូវបានសមត្ថកិច្ចទីក្រុងបាងកកអនុវត្តគឺការបាញ់ “ទឹកស្ករ” ឡើងលើមេឃ ។ ពួកគេជឿថា ការបង្កើនកម្រិត “ស្អិត” ដល់ទឹកដោយយកស្ករមកលាយបន្ថែមនឹងជួយឲ្យវា “ច្បាម”យកបានគ្រាប់ធូលីក្នុងបរិយាកាសទម្លាក់ចុះមកដីពេលដែលគេបាញ់ទឹកនេះឡើងលើមេឃ ។
យ៉ាងណាការបាញ់ទឹកស្ករឡើងលើមេឃនេះ តាមអញនកជំនាញការសន្និដ្ឋានថា វិធីសាស្ត្រនេះអាចបង្ក “មហន្តរាយច្រើនជាងប្រយោជន៍” ។
បណ្ឌិត Weerachai Putthawong អ្នកជំនាញការខាងគីមីសរីរាង្គនៅសកលវិទ្យាល័យ Karetsart និយាយប្រាប់ Workingpoint News ថា លោកមានការសង្ស័យយ៉ាងខ្លាំងចំពោះរឿង “ទឹកស្ករ” និងនាំមក…លទ្ធផលល្អជាងមុននោះ ។
លោកប្រកាសថា ការបង្កើតកំរិតស្អិតវាពុំនាំមកប្រយោជន៍អ្វីលើសពីមុនច្រើនទេ ព្រោះវាមិនអាចចាប់បានធូលីមានទំហំ ២,៥ Micro ។ បច្ចុប្បន្ននេះម៉ាស៊ីនបាញ់ទឹកចាប់បានគ្រាប់ធូលីមានទំហំ ១០micron តែប៉ុណ្ណោះ ពុំអាចតូចជាងនេះឡើយ ។
លើសពីនេះលោកថា ការរលាយស្ករ និងបង្កធូលីឲ្យកើតមេរោគ និងពួកផ្សិតបន្ថែមលើគ្រោះថ្នាក់មួយផ្សេងទៀតទៅវិញ ៕ និរតី