ស្ទឹងត្រែង ៖ ដូចការប្រកាសនាពេលថ្មីៗនេះ លោកទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន បានសម្រេចដកប្រធាន និងអនុប្រធានស្ថានីយជញ្ជីងថ្លឹងរថយន្ដនៅខេត្តខេត្តស្ទឹងត្រែង ។
លោក ស គឹមណាត ប្រធានមន្ទីរសាធារណការនិងដឹកជញ្ជូនខេត្តស្ទឹងត្រែង បានឲ្យដឹងនៅថ្ងៃទី៣០ ខែមករា ឆ្នាំ២០១៩នេះ
បានបញ្ជាក់ថា លោក រស់ សាខាន់ ប្រធានស្ថានីយជញ្ជីងអចល័តរាជានុកូល-ខេត្តស្ទឹងត្រែង ត្រូវបានក្រសួងសាធារណការនិងដឹកជញ្ជូន ដក ចេញពីតួនាទី។ ក្រសួងក៏បានតែងតាំង លោក ឌី ចាន់ណារិត ជាប្រធានស្ថានីយជញ្ជីងអចល័តរាជានុកូល-ខេត្តស្ទឹងត្រែង ឯលោក សែស ស៊ីថា តែងតាំងជាអនុប្រធាន។
លោក ស៊ុន ចាន់ថុល ក៏បានសម្រេចផ្លាស់ប្តូរកែសម្រួលសមាសភាពមន្ត្រីត្រួតពិនិត្យដឹកជញ្ជូនលើសទម្ងន់កម្រិតកំណត់ នៅស្ថានីយជញ្ជីងអចល័ត ត្រពាំងថ្លុង-ខេត្តកំពង់ស្ពឺ និងនៅស្ថានីយជញ្ជីងអចល័តកូនដំរី-ខេត្តបន្ទាយមានជ័យ។
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ បានប្រកាសប្រាប់អ្នកសារព័ត៌មានថា រឿងជញ្ជីងថ្លឹងឡាន សុទ្ធតែជារៀងដែលត្រូវឈឺក្បាលហើយ ដែលបានធ្វើឱ្យមុខមាត់ប្រទេសជាតិ រាជរដ្ឋាភិបាលក៏មិនល្អដែរ ដោយសារតែកន្លែងជញ្ជីងនេះ ចេះតែមានបញ្ហាមិនចេះឈប់ ហើយលោកបានចុះហត្ថលេខា ដូរប្រធានជញ្ជីងថ្លឹងឡាន ៣កន្លែងចេញ ដោយសារតែរកឃើញថា ពួកគេបានធ្វើការដោយល្មើសច្បាប់ ហើយចាប់ពីពេលនេះ ក្រសួងនឹងចាត់វិធានការក្តៅហើយ មិនទុកឱ្យខូចមុខមាត់ប្រទេសជាតិ និងរដ្ឋាភិបាលបន្តទៀតនោះទេ ព្រោះច្រើនដងពេកហើយ។ រឿងជញ្ជីងថ្លឹងឡាននេះ សុទ្ធតែជារៀងដែលត្រូវឈឺក្បាលហើយ ដែលបានធ្វើឱ្យមុខមាត់ប្រទេសជាតិ រាជរដ្ឋាភិបាលក៏មិនល្អដែរ ដោយសារតែកន្លែងជញ្ជីងនេះ ចេះតែមានបញ្ហាមិនចេះឈប់ ហើយនៅព្រឹកមិញនេះ លោកបានចុះហត្ថលេខា ដូរប្រធានជញ្ជីងថ្លឹងឡាន ៣កន្លែងចេញ ដែលនេះគឺជាដំណាក់កាលទី១ ហើយនឹងបន្តធ្វើជាបន្តបន្ទាប់ យើងមានព័ត៌មានអស់ហើយ អាកន្លែងជញ្ជីងនេះ កន្លែងខ្លះឡានមិនបានចូលថ្លឹងផងឱ្យទៅបាត់ ឱ្យទៅបង់លុយតែម្តង អារឿងនេះខាងក្រសួងបានដឹងអស់ហើយ គឺមានគេបញ្ជូនឱ្យអស់ហើយ ទាំងកន្លែងណា នៅម៉ោងប៉ុន្មានគេថតឱ្យបានទាំងអស់។
ចាប់ពីពេលនេះក្រសួងនឹងចាត់វិធានការក្តៅហើយ មិនទុកឱ្យខូចមុខមាត់ប្រទេសជាតិ និងរដ្ឋាភិបាលបន្តទៀតនោះទេ ព្រោះច្រើនដងពេកហើយ កាលពីមុនធ្លាប់ដូរម្តងហើយ ១៥ស្ថានីយ៍ បានដូរអស់ម្តងហើយចំពោះស្ថានីយ៍ទាំងនោះ ហើយឯកសារ គឺមាននៅក្នុងតុលារការនៅឡើងទេ មន្ត្រីក្រសួងបានដោះចេញម្តងហើយ ដាក់អ្នកថ្មីមកសង្ឃឹមថាល្អ មិនដូចអ្នកចាស់ទៀតទេ ឥឡូវដាក់មកដូចអ្នកមុនទៀត ក្រសួងសាធារណការ និងដឹកជញ្ជូន ចាប់ផ្តើងរាងចាលហើយ នឹងមិនទុកឱ្យនៅដូចនេះទៀតទេ។ អ្នកធ្វើការ នៅកន្លែងជញ្ជីងថ្លឹងរថយន្ត ត្រូវធ្វើការឱ្យបានហ្មត់ចត់ ត្រឹមត្រូវ ឡានត្រូវថ្លឹងឱ្យបានពិតប្រាកដ ទម្ងន់លើសត្រូវផាកពិន័យ មិនអាចឱ្យគេឆ្លងកាត់ ដោយមិនថ្លឹងឬថ្លឹងហើយយកលុយគេ ឱ្យគេទៅមុខទៀតបាននោះទេ រឿងនេះសុំបញ្ចប់ហើយ មន្ត្រីទាំងអស់ត្រូវឈប់បន្តល្មើសសកម្មភាពទាំងនេះទៀត ហើយបើជាមន្ត្រីពិតជាសូមអរគុណណាស់ ហើយមន្ត្រីមិនល្អ បើនៅតែអ៊ីចឹងទៀតនៅមិនបាននោះទេ ៕ ដោយ ៖ បញ្ញាស័ក្តិ