ក្មេងស្រីអាយុ ១០ ឆ្នាំ ម្នាក់ ត្រូវបានចាក់សោរ និងចាប់ទះកំផ្ទៀងយ៉ាងឃោរឃៅ ព្រោះតែនាងត្រូវបានចោទប្រកាន់លួចសៀវភៅពណ៌១ក្បាល ។ ហេតុការណ៍ដ៏រន្ធត់នេះបានកើតឡើងនៅផ្សារទំនើបមួយកន្លែង នៅក្នុង Sibu, Sarwak (ប្រទេសម៉ាឡេស៊ី) កាលពីថ្ងៃទី២៨ ខែមករា ឆ្នាំ២០១៩ ។
យោងតាម Seehua បុគ្គលិកស្រីម្នាក់នៅឯបរិវេណនោះ បានប្រទះឃើញក្មេងស្រីតូចម្នាក់កំពុងលួចសៀវភៅពណ៌ ហើយបានទៅបញ្ឈប់សកម្មភាពរបស់នាងភ្លាមៗ ។ បុគ្គលិកនេះបន្ទាប់មកបានប្រគល់ក្មេងស្រីតូចនោះ ទៅឲ្យអ្នកមើលការខុសត្រូវ ហើយបានទៅផ្ទះបាត់ទៅ ។
នៅវេលាម៉ោងប្រហែល ៥ ល្ងាច ក្មេងស្រីរងគ្រោះត្រូវបានគេនាំទៅកាន់បន្ទប់ស្តុកមួយ ទីកន្លែងដែលនាងត្រូវបានបង្ខំឲ្យសំអាតកម្រាលជាការដាក់ទណ្ឌកម្ម ។ នៅពេលនាងព្យាយាមរត់គេចខ្លួន អ្នកគ្រប់គ្រងនោះ ក៏បានផ្ទុះកំហឹងចាប់ទះកំផ្ទៀងនាង និងសូម្បីយកស្នួរខោអាវវាយនាងរហូតបាក់ឆ្មេញ ។ ហើយរឿងនេះពុំត្រូវបានគេលើកឡើង អំពីភស្តុតាងគ្រប់គ្រាន់ដែលថានាងពិតជាបានព្យាយាមលួចសៀវភៅពណ៌នោះទេ ។
បន្ទាប់រយៈពេល ២ ម៉ោងកន្លះ នាងត្រូវបានអនុញ្ញាតឲ្យវិលត្រឡប់ទៅផ្ទះ ជាមួយរបួសបាក់ឆ្មេញ ភ្នែកខាងឆ្មេងជាំ និងព្រមទាំងជើងផងដែរ ។ យាយរបស់នាងពិតជាមានការស្លុតរន្ធត់យ៉ាងខ្លាំង នៅពេលឃើញចៅស្រីរបស់គាត់ ស្ថិតក្នុងស្ថានភាពដ៏គួរឲ្យអាសូរបែបនេះ ។ គាត់បន្ទាប់មក ក៏បានផ្តល់ដំណឹងនេះទៅឪពុករបស់នាងឲ្យរួសរាន់មកផ្ទះ ដើម្បីយកនាងទៅព្យាបាលរបួសនៅមន្ទីរពេទ្យ ។
ឃើញរបួសស្នាដ៏សាហាវៗនៅលើខ្លួនប្រាណរបស់កូនស្រី បុរសជាឪពុកដែលពោរពេញដោយអារម្មណ៍ខឹងសម្បារយ៉ាងខ្លាំង បានសម្រេចចិត្តស្វែងរកយុត្តិធម៌ និងនាំកូនស្រីទៅកាន់ប៉ុស្តិ៍ប៉ូលីស ។ បន្ទាប់ពីទទួលពាក្យបណ្តឹងនេះ ប៉ូលីសក៏បានទៅកាន់ផ្សារទំនើបនោះ ដើម្បីស៊ើបអង្កេតអំពីករណីនេះ និងបានរកឃើញស្លាកស្នាមឈាមដែលត្រូវបានជឿថាជារបស់ក្មេងស្រីតូចរងគ្រោះ ។
ទីបំផុត អ្នកគ្រប់គ្រងនោះ ត្រូវបានចោទប្រកាន់ស្ថិតក្រោមមាត្រា ៣២៥ នៃក្រុមព្រហ្មទណ្ឌ ៕ រក្សា