នៅថ្ងៃទី ១៦ ខែមករា ឆ្នាំ ២០១៩ អគ្គលេខាធិការបក្ស និងប្រធានរដ្ឋវៀតណាមកុម្មុយនីស្ត ង្វៀង ភូត្រុង បានបង្ហើបប្រាប់ថា ៖ ពលរដ្ឋវៀតណាម (ឬបរទេស) ដែលមានដើមកំណើតនៅប្រទេសនេះ បានផ្ញើរមកកាន់មាតុប្រទេសខ្លួន នូវទឹកប្រាក់ “ជិត ១៦ពាន់លានលានដុល្លារ” ឆ្នាំ ២០១៨ កន្លងមក ។
អគ្គលេខាធិការបក្សនិងជាប្រធានរដ្ឋសង្គមនិយមវៀតណាម ។
មេដឹកនាំប្រទេសកុម្មុយនីស្តមួយនេះនៅបានថ្លែងយ៉ាងអំនួតថា ៖ “ប៉ុន្មានឆ្នាំកន្លងទៅនេះ មានគម្រោងវិនិយោគលើវិស័យផលិតកម្មជំនួញប្រមាណ ៣០០០គំរោង មានប្រភពទុនចេញពីទឹកប្រាក់បញ្ជូនមកពីបរទេសរបស់អាណិកជនវៀតណាម” ។
ពិតណាស់! សំឡឹងគេមើលដល់ខ្លួនយើងងឿងឆ្ងល់ ។ ព្រោះស្របពេលជាមួយគ្នានោះយើងហាក់ឃើញអាណិកជនកម្ពុជាយើងរវល់នឹងរឿងនយោបាយ ឬកំពុងត្រូវក្រុមបក្សនយោបាយពង្វក់ ។ ការរិះគន់ត្រូវបានឮជារឿយៗមិនឈប់ឈរ ប៉ុន្តែហាក់ពុំសូវឮពីការបោះទុនអាជីវកម្មរកស៊ីបង្កើតការងារដល់បងប្អូនរួមជាតិរបស់ខ្លួននៅមាតុភូមិកំណើតប៉ុន្មានទេ ក្រៅពីក្រុមហ៊ុនមួយចំនួនតូច ការជួលដីធ្វើស្រែនៅខេត្តមួយចំនួន…ប៉ុណ្ណោះ ។
តាមរបាយការណ៍មួយរបស់ធនាគារពិភពលោក (World bank) នៅចុងឆ្នាំ ២០១៨ លុយដែលអាណិកជនវៀតណាមផ្ទេរមកមាតុប្រទេសគឺ ១៥,៩៣៤លានដុល្លារ កើនលើសឆ្នាំ ២០១៧ ។ មួយពាន់លានដុល្លារ ។
ហ្វីលីពីនជាប្រទេសដែលមានទឹកប្រាក់អាណិកជនផ្ញើមកកាន់មាតុប្រទេសលំដាប់ទី១ នៅអាស៊ីអាគ្នេយ៍ គឺ៣៤ពាន់លានដុល្លារ ហើយបន្ទាប់មកគឺវៀតណាម ។
ហេតុអ្វីអាណិកជនវៀតណាមគេធ្វើទៅបាន ខណៈប្រទេសនេះត្រូវបានដឹកនាំដោយរបបឯកបក្ស និងកុម្មុយនីស្ត? ចម្លើយគឺគេស្រឡាញ់បងប្អូនគេ ស្រុកកំណើតរបស់គេ ព្រោះថាយ៉ាងណាលុយទាំងនោះពុំបានធ្វើឲ្យរបបដឹកនាំប្រទេស “រឹងមាំ” ឬអាច “ផ្លាស់ប្តូ” របបនយោបាយបាននឹងកំពុងដឹកនាំប្រទេសនោះឡើយ ។
ក្រុមអាណិកជនវៀតណាមច្រើនលើកឡើងថា ៖ ជាតិជារបស់រួមពុំមែនជារបស់អ្នកណា សាសនាណា បក្សនយោបាយណានោះទេ ។ របៀបស្នេហាជាតិមានច្រើន គ្មានស្តង់ដារួមសម្រាប់ស្មារតី “ស្នេហាជាតិ”នោះទេ ។ ប្រការសំខាន់របស់ពួកគេគឺការជួយឲ្យបងប្អូនភូមិកំណើតរីកចម្រើន គឺប្រសើរហើយ… ។
ចុះបងប្អូនអាណិកជនខ្មែរនៅឯនាយសមុទ្រវិញ!?
ចន្ទ្រា