ដំណើរកំសាន្តក្រៅប្រទេសលើកទី ១ របស់យុវតីអ៊ីស្រាអ៊ែលដ៏ស្រស់ស្អាតម្នាក់ បានបញ្ចប់ដោយសោកនាដកម្ម។ វាជាដំណើរកំសាន្តលើកដំបូង និងចុងបញ្ចប់របស់នាង។
យុវតីឈ្មោះ Leanne Nasser អាយុ១៨ឆ្នាំ គឺជាជនរងគ្រោះម្នាក់ក្នុងហេតុការណ៍អំពើភេរវកម្មក្នុងក្លឹបរាត្រី បន្ទាប់ពីខ្មានកាំភ្លើងបាញ់រះលើហ្វូងមនុស្សដែលកំពុងប្រារព្ឋពិធីឆ្លងឆ្នាំក្នុង Reina ក្លឹប ក្នុងទីក្រុងអ៊ីស្តាបុល ប្រទេសតួកគី។
ការបាញ់ប្រហារយ៉ាងឃោឃៅរបស់ភាវរករទៅលើហ្វូងមនុស្សបានបណ្តាលអោយមនុស្សចំនួន ៣៩នាក់ស្លាប់ ហើយយុវតី Leanne Nasser គឺជាជនរងគ្រោះម្នាក់ក្នុងចំណោមអ្នកស្លាប់។
BBC បានធ្វើការសម្ភាសន៍សាច់ញាតិរបស់ Leanne Nasser។
Leanne Nasser បានសុំអង្វរឪពុកម្តាយទៅលេងទីក្រុងអ៊ីស្តាបុល ព្រោះនាងមិនដែលទៅក្រៅប្រទេស ហើយក៏មិនដែលចាកចេញពីប្រទេសអ៊ីស្រាអ៊ែលដែរ។ មិត្តភក្តិ ៣នាក់របស់នាងមានគំរោងទៅទីក្រុងនោះ (អ៊ីស្តាបុល) ដើម្បីប្រាព្ធពិធីអបអរឆ្នាំថ្មី ហើយនាងចង់ទៅជាមួយពួកគេ។
ឪពុករបស់នាងប្រកែកមិនអោយនាងទៅ ព្រោះគាត់បារម្មណ៍ថាទីក្រុងអ៊ីស្តាបុលមិនមានសុវត្ថិភាពសំរាប់នាង ហើយគាត់ចង់អោយនាងនៅផ្ទះវិញ។ ដោយសារសុំឪពុកមិនបាន Leanne Nasser បានទៅរកមីងរបស់នាង (ឈ្មោះ Layal Masarweh) ដើម្បីអោយជួយនិយាយជំនួសនាង។
“ឪពុករបស់នាងប្រកែកមិនអោយនាងទៅដដែលទោះមីងរបស់នាងមកជួយនិយាយអោយ។ ឪពុកនាងនិយាយថា អ៊ីស្តាបុលមានគ្រោះថ្នាក់ខ្លាំងណាស់ ហើយមិនអោយនាងទៅណាទាំងអស់។ ប៉ុន្តែនាងចចេសចង់ទៅ ដោយនិយាយថា នឹងគ្មានអ្វីកើតឡើងមកលើរូបនាងទេ”។
Leanne Nasser រស់នៅទីក្រុង Tira នៃប្រទេសអ៊ីស្រាអ៊ែលមានគោលបំណងធំសំរាប់អនាគតរបស់នាង ក្រោយបញ្ចប់ថ្នាក់វិទ្យាល័យនៅក្នុងខែមិថុនាខាងមុខ។ នាងធ្វើការនៅក្លីននិចពេទ្យធ្មេញ ហើយនាងបានសន្សំលុយដើម្បីទិញឡាន ១គ្រឿង។ នាងចង់ធ្វើជាទន្តពេទ្យនៅថ្ងៃអនាគត។
ទីបំផុតនាងក៏អាចបញ្ចុះបញ្ជូលឪពុកនាងបាន ហើយមិនយូរប៉ុន្មាននឹងក៏បានទៅដល់ទីក្រុងអ៊ីស្តាបុល ជាមួយនឹងមិត្តភក្តិ ៣នាក់។
ស្ត្រីវ័យក្មេងដ៏ស្រស់ស្អាត Leanne Nasser ហើយនិងមិត្តភក្តិ ៣នាក់របស់នាង)បានធ្វើដំណើរទៅកាន់ភោជនីដ្ឋាន Reina ស្ថិតនៅតំបន់មាត់ទឹកក្នុងទីក្រុងអ៊ីស្តាបុល។ រយះពេល ២ ទៅ ៣ម៉ោង មុនពេលឈានដល់ឆ្នាំថ្មី នាងបានបង្ហោះរូបភាព ក្នុងកម្មវិធី Snapchat ដែលក្នុងរូបថត នាងញញឹម ពាក់កំរងផ្កាលើសក់ដ៍វែង និងស្រស់ស្អាត ភ្នែកព៌ណត្នោតរបស់នាងសំលឹងមើលមកកាមេរ៉ា។
នៅព្រឹកបន្ទាប់ ក្រោយពេលមានហេតុការបាញ់ប្រហារនៅក្នុងក្លឹប ដែលបណ្តាលអោយមនុស្សស្លាប់ជាច្រើននាក់ និងក្រោយពេល ក្រុមសង្គ្រោះបន្ទាប់ពិនិត្យមើលនៅកន្លែងដែលមនុស្សស្លាប់រង្គាល Leanne Nasser បានបាត់ខ្លួន។ មិត្តភក្តិ ៣នាក់របស់នាងនៅក្នុងពេទ្យ លើកលែងតែ Leanne Nasserមិនឃើញនៅទីនោះ។
ឪពុករបស់ Leanne Nasser បានជិះយន្តហោះទៅកាន់ប្រទេសតួកគី។ គ្រួរសាររបស់នាងមានក្តីសង្ឃឹមថា នាងប្រហែលជានៅមាត់ជីវិត នាងប្រហែលជានៅមន្ទីរពេទ្យផ្សេង នាងប្រហែលជាមិនអីទេ។
ឪពុករបស់នាងបានផ្ញើរូបភាពមួយចំនួនទៅអោយពូរបស់នាងដែលកំពុងនៅផ្ទះក្នុងទីក្រុង Tira។ រូបភាពទាំងនោះមាន រូបភាព ចិញ្ជៀនមាសរាងបេះដូងដែលមានប្រឡាក់ឈាមតិច ខ្សែកបន្តោងត្បូងព៌ណស្វាយ និងបៃតង និងរូបភាពកាបូបស្ត្រីព៌ណប្រាក់ដែលមានប្រឡាក់ឈាម។
អាជ្ញាធរតួកគីគិតថា តើក្រុមគ្រួសាររបស់នាងអាចដឹងបីអត្ថសញ្ញាណនាងដោយផ្នែកលើរបស់របរទាំងនោះដែរយ៉ាងណា?
ប៉ុន្តែក្រោយពីពូរបស់នាងបានមើលរូបភាពដែលឪពុកនាងបានផ្ញើទៅ គាត់បានបង្ហាញរូបភាពនោះទៅមីងរបស់ Leanne Nasser ហើយបាននិយាយថា គឺ Leanne Nasser។ នាងស្លាប់នៅក្នុងការវាយប្រហារ។
ក្រោយពេលបានដឹងថាក្មួយស្រីស្លាប់ មីងរបស់នាងបាននិយាយថា “ខ្ញុំមិនអាចលើកលែងទោសអោយខ្លួនឯងបានទេ”។
“ខ្ញុំបន់ស្រន់អោយខ្ញុំពេលនោះនៅជាមួយនាង ដើម្បីការពារនាង”។
សពរបស់យុវតីស្រស់ស្អាតខាងលើ ត្រូវបានគេដឹកមកដល់ស្រុកកំណើតវិញ ៣ថ្ងៃក្រោយពេលមានការវាយប្រហារ។
ប្រភព៖ CNN
