ចោរ២នាក់បានបើករថយន្តបុកទម្លុះចូលក្នុងហាងលក់ទំនិញមួយកន្លែង នៅក្នុងប្រទេសកូឡុំប៊ី និងបន្ទាប់មកបានបើកចេញវិញ រួចនាំគ្នាប្រញាប់ប្រញាល់ទៅចាប់អូសទាញទូរ ATM នៅក្នុងហាងនោះ ដួលយ៉ាងប៉ផាត់ប៉ភីងតែម្តង ។ នេះបើយោងតាមនាយកដ្ឋានប៉ូលីសកូឡុំប៊ី ។
យោងតាមរបាយការណ៍ប៉ូលីស ហេតុការណ៍ដ៏សាហាវនេះ បានកើតឡើងកាលពីថ្ងៃទី២៥ ខែមករា ឆ្នាំ២០១៩ កន្លងទៅនេះ ស្ថិតនៅស្ថានីយ៍ Shiv Food Mart Shell នៅក្នុងប្លុក 3100 នៃមហាវិថី North Beltline ។ មន្ត្រីប៉ូលីសបានឆ្លើយតបនឹងអំពើចោរកម្មមួយនៅឯហាងនោះបន្ទាប់ពីវេលាម៉ោង១ ព្រឹក ហើយត្រូវបានគេប្រាប់ថា មានបុរស២នាក់ កំពុងបើករថយន្តបុកទម្លុះហាង និងព្យាយាមលួចទូរ ATM ។
ប៉ូលីសនិយាយថា នៅពេលពួកគេបានមកដល់ ពួកគេបានឃើញបុរស២នាក់ បានឡើងរថយន្ត ដែលត្រូវបានចងភ្ជាប់ជាមួយទូរ ATM កំពុងត្រូវបានអូស ។ ទោះយ៉ាងណា ដោយសារតែដឹងច្បាស់ថា ពុំអាចគេចផុតពីការតាមប្រម៉ាញ់របស់ប៉ូលីស ពួកចោរទាំងពីរក៏បានឈប់រថយន្តនៅចំណុច Rosewood Drive ក្បែរផ្លូវ Deerwood ហើយបាននាំគ្នាចុះពីរថយន្ត រត់គេចខ្លួនបាត់ស្រមោលតែម្តង ៕ រក្សា