ស្ត្រីម្នាក់នៅក្នុងប្រទេសចិន ប៊ិះត្រូវរថយន្ត១គ្រឿងថយក្រោយមិនប្រយ័ត្នបុកស្លាប់ ខណៈនាងកំពុងឈររវល់ចុចទូរស័ព្ទ នៅលើគំនូសអ្នកថ្មើរជើង នៃផ្លូវប្រសព្វមួយ កាលពីពេលកន្លងទៅនេះ ។
តាមរយៈវីដេអូ បានបង្ហាញឲ្យឃើញ ស្ត្រីម្នាក់កំពុងស្ថិតនៅលើគំនូសថ្មើជើងរង់ចាំឆ្លងកាត់ ប៉ុន្តែ នាងបែរជាឈរបែរខ្នងទៅកាន់ទិសផ្សេង និងផ្តោតទៅលើការចុចទូរស័ព្ទ ។ ខណៈពេលនោះ រថយន្តដឹកទំនិញ១គ្រឿងដែលស្ថិតនៅហួសចំណុចផ្លូវប្រសព្វបន្តិច ដោយសារតែមើលក្រោយពុំឃើញ បានរឺយ៉ែថយក្រោយ បណ្តាលឲ្យបុកនាងយ៉ាងពេញទំហឹងតែម្តង ។
ប៉ុន្តែ ចាត់ទុកជាសំណាងហើយ ដែលស្ត្រីនោះបានដួល ហើយនាងខំប្រឹងត្រឡប់ខ្លួនយ៉ាងលឿន ដើម្បីឲ្យផុតពីកង់រថយន្តទាំងព្រលឹងហោះចេញពីខ្លួន កុំអីប្រហែលជា…ចប់សព្វគ្រប់ហើយមើលទៅ!! ៕ រក្សា