នេះជាលើកដំបូងក្នុងប្រវត្តិសាស្ត្រហើយ ដែលមានល្ខោនមួយត្រូវបានស្រាតទាំងអស់ ៖ អ្នកសម្តែងនិងអ្នកទស្សនា ។
ក្នុងរោងមហោស្រពទាំងមូលគ្មានអ្នកស្លៀកសម្លៀកបំពាក់ទេ ។
“Nu et approuve” (អាក្រាត និងបានការយល់ព្រម) -ជា show អាក្រាតមួយនៅមហោស្រព Palace of Ice នៅ Paris ប្រទេសបារាំងបានធ្វើឲ្យគេចាប់អារម្មណ៍ ខណៈពេលក្លាយជាល្ខោនអាក្រាតកាយដំបូងដែលគេអនុញ្ញាតឲ្យសម្តែង ក្នុងលក្ខណៈពិសេសគឺទាំងអ្នកសម្តែង និងទស្សនិកជនត្រូវជម្រុះសម្លៀកបំពាក់ទាំងអស់ ។
គេហទំព័រ Daily Mail ឲ្យដឹងថា ពេលបង្ហាញវត្តមានដំបូងនៅ Paris ល្ខោនអាក្រាតនេះទទួលបាននូវការវាយតម្លៃយ៉ាងវិជ្ជមាន ។ ទស្សនិកជនពេលចូលក្នុងរោងមហោស្រពគឺត្រូវស្រាតទាំងអស់ ហើយពួកគេបានស្ម័គ្រចិត្តធ្វើយ៉ាង…រីករាយ ។
ទស្សនិកជនពេលទស្សនាឆាកល្ខោនបានបង្ហាញកាយវិការរីករាយ ចូលចិត្ត ទោះបីពេលនោះនៅខាងក្រៅរោង ធាតុអាកាសពិតជាត្រជាក់យ៉ាងណាក្តី ។
ទស្សនិកជនយកតាមកន្លែងខ្លួនឯងដើម្បីទ្រាប់អង្គុយ ។
នៅច្រកចេញគេដាក់ស្លាមួយប្រាប់ថា ៖ កុំចេញក្រៅបើមិនស្លៀកអ្វីនោះ -ដូចជាការក្រើនរំលឹក ក្រែងលោភ្លេចថា ខ្លួនពុំមានស្លៀកអ្វី?
តួសម្តែងក៏គ្មានសម្លៀកបំបាក់អ្វី ហើយក៏ហាក់គ្មានចំណាប់អារម្មណ៍ចំពោះបញ្ហានេះ។
ឱសេរីភាព! នេះពិតជាការបង្ហាញសិទ្ធិបែប…បារាំងមែន ។