ឪពុក-ម្តាយ គឺជាអ្នកមានគុណខ្លាំងណាស់ គុណលោកទាំងពីរមិនអាចឲ្យកូនៗសងឲ្យអស់បានទេ ព្រោះគាត់ជាអ្នកបង្កើតពួកយើងមក ។ លោកទាំងពីរតែងតែធ្វើឲ្យបំណងប្រាថ្នារបស់កូនៗគ្រប់រូបបានសម្រេច ។ ដើម្បីកូនៗ លោកទាំងពីរហ៊ានលះបង់សព្វគ្រប់បែបយ៉ាងទាំងពេលវេលា ទ្រព្យសម្បត្តិ និងអាយុជីវិត ដោយមិនរុញរាឡើយ ។ ហេតុនេះ យើងគ្រប់ៗគ្នាជាកូន ចាំបាច់ត្រូវតែធ្វើអ្វីៗដែលការតបស្នង ទាន់លោកទាំងពីរនៅមានដង្ហើម ក្នុងនោះធ្វើខ្លួនជាកូនដ៏ល្អ ត្រូវចេះមើលថែរដូចដែលពួកគាត់បានលះបង់ដ៏ធំធេង ដើម្បីមើលថែចិញ្ចឹមបីបាច់ពួកយើងតាំងពីបាត់ជើងក្រហម ។
ពិតជាប្រពៃ គួរឲ្យសរសើរខ្លាំងណាស់ គ្រាដែលនារីជាកូនក្រមុំម្នាក់ នៅក្នុងថ្ងៃមង្គលការរបស់ខ្លួន បានរំជួលចិត្តយ៉ាងខ្លាំង នៅពេលនាង និងស្វាមី បាននាំយកទឹកក្រូច ផ្លែឈើ… មកជូនឪពុកដែលដេកនៅនឹងគ្រែទៅហើយ ។
បើយោងតាមរូបភាព និងសាររៀបរាប់ទាំងទឹកភ្នែករបស់កូនក្រមុំ ដែលត្រូវបានចែករំលែកនៅលើបណ្តាញសង្គមហ្វេសប៊ុក បានឲ្យដឹងថា៖ «ប៉ាទោះបីជាប៉ាឈឺគេងនៅនឹងកន្ទេលមិនអាចមក ចូលរួមពិធីមង្គលការរបស់កូនស្រីបានថ្ងៃនេះកូនបានដឹកដៃ ស្វាមីរបស់កូនមកជួបប៉ា និងបញ្ចុកផ្លែឈើដល់រូបប៉ា ដើម្បីជាកិច្ច
តបស្នងសងគុណដែលប៉ាបានខិតខំចិញ្ចឹមបីបាច់ថែរក្សារដល់រូបកូនរហូតមក កូនមានថ្ងៃនេះ។ ទោះបីជាយ៉ាងណា ប៉ានៅតែជាប៉ាដែលកូនគោរពនិងស្រលាញ់បំផុត !:'( ? ?» ៕ រក្សា
