កាសែតអង់គ្លេស independent បានចុះផ្សាយឲ្យដឹងថា កាលពីពេលថ្មីៗនេះ អ្នកស្រាវជ្រាវបុរាណវិទូអេហ្ស៊ីប បានរកឃើញផ្នូរបុរាណមួយ ដែលផ្ទុកទៅដោយសាកសពម៉ាំមី (Mummy) ប្រមាណជា ៥០ ។
យោងតាមក្រុមអ្នកស្រាវជ្រាវ សព Mummy ដែលក្នុងមានកូនក្មេងចំនួន ១២ ដែលត្រូវបានរកឃើញនៅក្នុងបុរាណឋាន Tuna El-Gebel មានជម្រៅ ៩ ម៉ែត្រ នៅក្នុងខេត្តវាលខ្សាច់ Minya ភាគខាងត្បូងនៃទីក្រុង Cairo គឺបានបន្សល់ទុកតាំងពីសម័យអាណាចក្រ Ptolemaic ដែលមានអាយុកាលតាំងពី ៣០៥-៣០ ឆ្នាំ មុនគ្រឹស្តសករាជ ។
ទោះយ៉ាងណា អត្តសញ្ញាណរបស់ពួកគេនៅតែមិនទាន់ដឹងនៅឡើយ ប៉ុន្តែ ពួកអ្នកស្រាវជ្រាវបានសន្មត់ថា សាកសពទាំងអស់នេះ គឺអាចជាអ្នកកាន់កាប់មុខតំណែងសំខាន់ៗ ឬ មានកិត្យានុភាព នៅក្នុងសម័យកាលនោះ ៕ រក្សា
