ភ្នំពេញ ៖ យុវជនសង្ស័យ២នាក់ ឆក់ទូរស័ព្ទស្ត្រីជនបរទេសដែលជិះម៉ូតូរ៉ឺម៉កកង់បី តែមិនបានសំរេចដោយផ្អើលឆាឡាជនសង្ស័យផ្ដួលម៉ូតូរត់គេចតែម្នាក់ចាប់បាននៅកន្លែងកើតហេតុ ចំណែកម្នាក់ទៀតរត់ចូលខុនដូរឡើងដល់ជាន់ទី៧ លោតចុះមកខាងក្រោយទើរលើដំបូលផ្ទះស័ង្កសី បណ្តាលឲ្យក្អួតហូរឈាមខ្លាំងពេកស្លាប់នៅកន្លែងកើតហេតុ បង្កការភ្ញាក់ផ្អើល កាលវេលាម៉ោង១២និង១០នាទីថ្ងៃត្រង់ ថ្ងៃទី០៤ ខែកុម្ភៈ ឆ្នាំ ២០១៩ នៅចំណុចផ្ទះលេខ៣C តាមផ្លូវ១២៣ ក្រុម៩ ស្ថិតនៅភូមិ២ សង្កាត់បឹងត្របែក ខណ្ឌចំការមន ។
ជនសង្ស័យឈ្មោះ ផល ព្រួញ ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅសង្កាត់ព្រែកព្នាយ ខណ្ឌព្រែកព្នាយរាជធានីភ្នំពេញបានឆ្លើយសារភាពខ្លួនជាអ្នកអង្គុយខាងក្រោយហើយមិត្តភ័ក្ត្រប្រុសជាអ្នកបើកម៉ូតូជនសង្ស័យជិះធ្វើសកម្មភាព ម៉ាកស៊ុយស៊ូគីនិច ពណ៌ស ពាក់ស្លាកលេខ ភ្នំពេញ១HL-៣៩៩៣ឈ្មោះ អាយួន ភេទប្រុស អាយុ១៧ឆ្នាំ មិនស្គាល់ទីលំនៅទីដោយមុនកើតហេតុខ្លួនបានជិះម៉ូតូដើរលេងលុះមកដល់ផ្លូវ៤៣២ក្នុងទិសដៅពីជើងមកត្បូងហើយក៏ឃើញស្ត្រីជនបរទេសម្នាក់អង្គុយក្នុងកង់បីដៃកាន់ទូរស័ព្ទមិនស្គាល់ម៉ាកអ្នកបើកម៉ូតូធ្វើសកម្មភាពឆក់តែមិនសំរេចទេដោយអ្នកបើកកង់បីនិងជនបរទេសស្រែកផ្អើលឆាឡាភ័យពេកផ្ដួលម៉ូតូបំណងរត់តែខ្លួនប្រជាពលរដ្ឋចាប់បានភ្លាមៗតែម្ដង ហើយអ្នកដែលឆក់រត់ចោលម៉ូតូក្រោយមកក៏សមត្ថកិច្ចនាំខ្លួនមកអធិការដ្ឋានខណ្ឌចំការមន ។
សមត្ថកិច្ចបន្តមានជនសង្ស័យម្នាក់ស្លាប់រត់គេចឡើងខុនដូរដល់ជាន់ទី៧លាតចុះមកទើរលើដំបូលស័ង្កសីផ្ទះលេខ៣C តាមផ្លូវ១២៣ សង្កាត់បឹងត្របែក បន្ទាប់ពីធ្វើសកម្មភាពឆក់ទូរស័ព្ទដៃស្ត្រីជនបរទេសមិនសម្រេច ហើយយោងតាមចំលើយជនសង្ស័យម្នាក់ដែលរួមដំណើរធ្វើសកម្មភាពឆក់ជាមួយគ្នាហើយធ្វើការឃាត់ខ្លួនពីបទឆក់ទូរស័ព្ទនិងដកហូតសម្ភារ:ម៉ូតូជនសង្ស័យជិះធ្វើសកម្មភាព ម៉ាកស៊ុយស៊ូគីនិច ពណ៌ស ពាក់ស្លាកលេខ ភ្នំពេញ ១HL៣៩៩៣ និងកសាងសំណុំរឿងបញ្ជូលទៅកាន់តុលាការចំណែកជនសង្ស័យដែលស្លាប់រងចាំនគរបាលការិយាល័យបច្ចេកទេសកោសល្យវិច្ច័យស្នងការរាជធានីភ្នំពេញចុះមកពិនិត្យសពនិងយកតំកល់នៅវត្តដើម្បីស្វែងរកក្រុមគ្រួសារសពជាក្រោយទៀត ៕ ដោយ ៖ បញ្ញាស័ក្តិ