ខេត្តក្រចេះ៖ ជនរងគ្រោះដែលភ្នាក់ងារសារត៍ពិមាន បាត់ដំបងប៉ុស្តិ៍ម្នាក់ត្រូវបានក្រុមជនដៃដល់១ក្រុមស្ទាក់វាយធ្លាក់ពីលើម៉ូតូបណ្តាលឱ្យស្លាប់នៅកន្លែង នៅចំណុចផ្លូវកែង៨៨ ភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ កាលពីវេលាម៉ោង០០និង១០នាទីឈានចូលថ្ងៃទី៤ ខែកុម្ភៈ ឆ្នាំ២០១៩។
ជនរងគ្រោះឈ្មោះ សន ឬទ្ធី ភេទប្រុសអាយុ១៨ឆ្នាំ ស្នាក់នៅឃុំស្នួល ស្រុកស្នួលខេត្តក្រចេះ ជាភ្នាក់ងារសារព័ត៌មានបាត់ដំបងប៉ុស្តិ៍។
បើតាមសេចក្ដីរាយការណ៍ពីកន្លែងកើតហេតុ បាននិយាយថា នៅមុនពេលកើតហេតុជនរងគ្រោះមានគ្នាបីនាក់នាំគ្នាជិៈម៉ូតូទៅរាំលេងធុងបាស់ នៅចំណុចគីឡូ៩០ ភូមិជើងឃ្លេ ឃុំ២ធ្នូ ស្រុកស្នួលខេត្តក្រចេះលុះដល់ម៉ោងកើតហេតុ ពួកគេបានឡើងជិះម៉ូតូ បំណងវិលត្រឡប់មកផ្ទះវិញ។ដោយឈ្មោះ នី ធីរ៉ា ជាអ្នកឌុប និងឈ្មោះ ប៉ែ នៅកណ្ដាល ចំណែកជនរងគ្រោះដែលស្លាប់ឈ្មោះ សន ឬទ្ធី ជិះពីក្រោយ។ លុះមកដល់ចំណុចកើតហេតុខាងលើ ស្រាប់តែលេចមុខក្រុមជនដៃដល់ ស្ទាក់ចាំវាយនិងយកដុំថ្មមកគប់លើពួកគេ
បណ្ដាលឲ្យជនរងគ្រោះ ដែលអង្គុយខាងក្រោយធ្លាក់ពីលើម៉ូតូ ហើយនាំគ្នាព្រួតវាយរហូតដល់ស្លាប់នៅកន្លែងតែម្ដង។ ក្រោយកើតហេតុក្រុមជនដៃដល់បានរត់គេចបាត់ ចំណែកជនរងគ្រោះស្លាប់នៅចិញ្ចើមផ្លូវជាប់ព្រៃ។
បច្ចុប្បន្នសមត្ថកិច្ចកំពុងស្រាវជ្រាវដើម្បីតាមចាប់ក្រុមជនសង្ស័យយកមកផ្ដន្ទាទោសតាមច្បាប់៕ ដោយ ៖ បញ្ញាស័ក្តិ
