គូស្នេហ៍ប្រុសស្រលាញ់ប្រុសដូចគ្នា១គូនៅសិង្ហបុរី កំពុងទទួលបានមតិយោបល់ស្អប់ៗខ្ពើមយ៉ាងខ្លាំង បន្ទាប់ពីរូបភាពនៃសកម្មភាពពួកគេថើបបឺតមាត់គ្នាយ៉ាងស្រើបស្រាលនៅទីសាធារណៈ ត្រូវបានបង្ហោះនៅលើវេទិកាឯកជនមួយនៅសិង្ហបុរី ។
គូស្នេហ៍នេះ ដែលម្នាក់ក្នុងចំណោមពួកគេ គឺជានិស្សិតនៃមហាវិទ្យាល័យជន់ខ្ពស់ Tampines-Meridian (TMJC) ចាប់ផ្តើមទទួលការគំរាមកំហែង នៅពេលរូបភាពមួយសន្លឹកបង្ហាញពួកគេថើបបឺតមាត់គ្នាដ៏គួរឲ្យខ្ពើមរអើមនៅទីកន្លែងសាធារណៈ ត្រូវបានផុសឡើងវិញនៅក្នុងវិទិកា Singapore HardwareZone កាលពីថ្ងៃទី២១ ខែមករា កន្លងទៅនេះ ។ នេះបើយោងតាម Mothership ។
អ្នកប្រើប្រាស់បណ្តាញសង្គម បាននិយាយថា គូស្នេហ៍នេះគួរតែត្រូវបានស៊ើបអង្កេត ហើយទង្វើដ៏អាក្រក់នេះត្រូវបានកាត់ទោស និងត្រូវបានចោទប្រកាន់ពីបទព្រហ្មទណ្ឌ ។ ថ្វីបើមានការឆ្លើយតបពីអ្នកដែលប្រឆាំងនឹងមតិនេះក៏ដោយ តែមនុស្សជាច្រើនទៀត បានពិតជាចង់ដាក់បុរសទាំងពីរនេះទៅក្នុងបន្ទប់ឧស្ម័ន ដើម្បី «សម្អាតពួកគេ» ៕ រក្សា