វីដេអូនៃហេតុការណ៍ដ៏រន្ធត់មួយ បានធ្វើឲ្យអ្នកទស្សនាផ្ទុះសំណើចគ្រប់ៗគ្នាតែម្តង ព្រោះតែវាហាក់ដូចជាឆាកកំប្លែងខ្លាំងពេក ចំពោះ «វិធី» ផ្តួលរំលំជាន់.កខ្លួនឯងទៅលើកែងជញ្ជាំងផ្ទះវ៉ៃចោល នៅក្នុងតំបន់មួយនៃប្រទេសចិន ។
តាមរយៈវីដេអូដ៏ខ្លី ១២ វិនាទី បានបង្ហាញមនុស្សប្រុសមួយហ្វូង ខ្លះដៃទទេ និងខ្លះទៀតប្រដាប់ដោយជើងវែង រួមកម្លាំងសាមគ្គីគ្នាដើម្បីផ្តួលរំលំផ្នែកមួយនៃជញ្ជាំងផ្ទះរុះរើ ។ ប៉ុន្តែ ជាអកុសល ខណៈជញ្ជាំងនោះបានដួលរលំ ស្រាប់តែជញ្ជាំងនៅកែងជាប់គ្នាក៏បានបាក់រលំតាម បណ្តាលឲ្យសង្កត់លើបុរសប្រហែល៧នាក់ទាំងកម្រោលតែម្តង ។
បើតាមសេចក្តីរាយការណ៍ បានឲ្យដឹងថា បុរស ៦នាក់ក្នុងចំណោមបុរស៧នាក់ បានរងរបួសធ្ងន់ ប៉ុន្តែ ពុំមាននរណាម្នាក់បាត់បង់ជីវិតនោះទេ ៕ រក្សា