បងស្រីរបស់ព្រមហាក្សត្រថៃ Maha Vajiralongkorn បានចុះឈ្មោះចូលរួមក្នុងការបោះឆ្នោត ដើម្បីធ្វើជានាយករដ្ឋមន្ត្រីថៃ ខណៈដែលការបោះឆ្នោតក្នុងប្រទេសនេះនឹងត្រូវធ្វើឡើងនៅថ្ងៃទី ២៤ ខែមីនាខាងមុខ។
ម្ចាស់ក្សត្រី Ubolratana Mahidol ព្រះជន្ម ៦៧ព្រះវស្សា នឹងឈរឈ្មោះជាបេក្ខជននាយករដ្ឋមន្ត្រី ឲ្យគណបក្ស Thai Raksa Chart Party ដែលជាគណបក្សសម្ព័ន្ធមិត្តជាមួយអតីតនាយករដ្ឋមន្ត្រី Thaksin Shinawatra។
នេះជាការប្រឡូកចូលក្នុងឆាកនយោបាយរបស់គ្រួសាររាជវង្សដែលមិនធ្លាប់មានពីមុនមក។
ការបោះឆ្នោតក្នុងប្រទេសថៃនៅខែមីនាខាងមុខ កំពុងត្រូវបានគេតាមដានយ៉ាងខ្លាំង ខណៈដែលវាគឺជាឱកាសលើកដំបូងសម្រាប់ថៃក្នុងការវិលត្រឡប់ទៅកាន់វិថីប្រជាធិបតេយ្យវិញ ក្រោយពេលស្ថិតក្រោមការគ្រប់គ្រងរបស់យោធាអស់រយៈពេល ៥ឆ្នាំ។
តើម្ចាស់ក្សត្រី Ubolratana Mahidol ជានរណា?
ម្ចាស់ក្សត្រី Ubolratana Mahidol ប្រសូត្រនៅក្នុងឆ្នាំ ១៩៥១។ គាត់គឺជាបុត្រីច្បងរបស់អតីតព្រះ
មហាក្សត្រីថៃ Bhumibol Adulyadej ។
ក្រោយពេលរៀបអភិសេកជាមួយនឹងស្វាមីជនជាតិអាមេរិចក្នុងឆ្នាំ ១៩៧២ ព្រះនាងបានបោះបង់ឋានៈជាគ្រួសាររាជវង្សចោល និងបានទៅរស់នៅអាមេរិច។ ក្រោយពេលលែងលះគ្នា ព្រះនាងបានត្រឡប់មកកាន់ប្រទេសថៃវិញ និងទទួលបានឋានៈក្នុងគ្រួសាររាជវង្សវិញ។
ព្រះនាងបានចូលរួមយ៉ាងសកម្មក្នុងបណ្តាញទំនាក់ទំនងសង្គម និងបានចូលរួមសម្តែងក្នុងរឿងថៃជាច្រើនរឿងផងដែរ។
ព្រះនាងមានបុត្រ ៣អង្គ ដែលមួយអង្គបានសោយទិវង្កតក្នុងគ្រោះរលកស៊ូណាមិកាលពីឆ្នាំ ២០០៤ និង ២អង្គទៀតកំពុងរស់នៅអាមេរិច៕ សុភ័ក្ត្រ
ប្រភព៖ BBC