វេជ្ជបណ្ឌិតម្នាក់នេះបានសុខចិត្តឈប់ធ្វើការ ព្រោះតែភរិយាមិនយល់ព្រមនឹងការដែលគាត់ត្រូវធ្វើការជាមួយ…នារីម្នាក់ ។
Clinic នៅបានបញ្ជាក់ច្បាស់ពីមូលហេតុដែលវេជ្ជបណ្ឌិតរបស់ខ្លួនឈប់ធ្វើការ ។
Clinic មួយនៅអាមេរិកទើបរង “ដុំថ្ម” របស់អ្នកលេងបណ្តាញសង្គម ក្រោយពីបង្ហោះសេចក្តីប្រកាសព័ត៌មានមួយពីរឿងវេជ្ជបណ្ឌិតម្នាក់របស់ខ្លួនត្រូវឈប់ពីការងារព្រោះតែប្រពន្ធគាត់មិនចង់ឲ្យប្តីធ្វើការជាមួយគិលានុប្បដ្ឋាយិកាម្នាក់ ។
តាមកាសែត Mirror នោះ សេចក្តីប្រកាសត្រូវបិទផ្សាយនៅកន្លែងទទួលភ្ញៀវរបស់ clinic ជាទង្វើ “សំរាម! មិនអាជីព” ។
សេចក្តីប្រកាសដ៏ចម្លែកនេះសរសេរថា ៖ “វេជ្ជបណ្ឌិត Lupardus នៃ clinic របស់យើងខ្ញុំបានឈប់ធ្វើការពីថ្ងៃទី ១៨ ខែមករា ឆ្នាំ ២០១៩ ។ មូលហេតុនៃរឿងនេះ គឺភរិយារបស់ Lupardus មិនអនុញ្ញាតឲ្យគាត់បន្តធ្វើការនៅទីនេះ ក្រោយពេលយើងខ្ញុំជួលគិលានុប្បដ្ឋាយិកា ហាត់ការស្រីម្នាក់ ។ យើងខ្ញុំសុំទោសចំពោះការរំខាននេះ ។ Lupardus នឹងមិនវិលត្រឡប់មកធ្វើការនៅទីនេះទៀតទេ” ។
បណ្តាញសង្គមបានពេបជ្រាយថា “មិនគួរឡើយរៀនដល់ថ្នាក់វេជ្ជបណ្ឌិត បែរជាបោះបង់បុព្វហេតុព្រោះតែស្រីម្នាក់ ។
តាមប្រិយមិត្តទង្វើរបស់គ្រូពេទ្យនេះតើសមដែរឬទេ? ចុះប្រពន្ធគាត់វិញយ៉ាងម៉េចដែរ? ៕ ចន្ទ្រា
