ភ្នំពេញ ៖ បុរី Soleil 88 ត្រូវបានដាក់សម្ពោធជាផ្លូវការ ថ្ងៃទី១១ ខែកុម្ភៈ ឆ្នាំ២០១៩ តាមបណ្តោយផ្លូវវេងស្រេង នៅសង្កាត់ចោមចៅ ខណ្ឌពោធិ៍សែនជ័យ។ ក្នុងឱកាសនោះ លោក Nixon Lee នាយកក្រុមហ៊ុន Penta Global Ltd បាននិយាយថា ការសម្ពោធបើកលក់ជាផ្លូវការរបស់បុរី សូឡី ៨៨ នៅថ្ងៃនេះ ជាថ្ងៃទី៧នៃពិធីបុណ្យចូលឆ្នាំចិន ដែលជាថ្ងៃដ៏សំខាន់សម្រាប់ពួកយើងទាំងអស់គ្នាពីព្រោះជនជាតិចិន និយាយថា ថ្ងៃទី៧ នៃពិធីបុណ្យចូលឆ្នាំចិនគឺជាថ្ងៃកំណើននៃមនុស្ស។ ដូច្នេះ ហើយខ្ញុំសូមនិយាយថា រីករាយថ្ងៃកំណើតទៅកាន់អ្នកទាំងអស់គ្នា។
លោកបានបន្តថា ក្រុមហ៊ុន Penta Global Ltd. គឺជាក្រុមហ៊ុនអចលនទ្រព្យថ្មី ដែលមានការប្តេជ្ញាក្នុងការអភិវឌ្ឍន៍អចលនទ្រព្យនៅរាជធានីភ្នំពេញ។
លោកបានថ្លែងថា តើយើងជានរណា? Penta Global Limited, “Penta” គឺជាក្រុមហ៊ុនអភិវឌ្ឍអន្តរជាតិ ដែលមានទីតាំងនៅទីក្រុង ហុងកុងដែលបានបើកដំណើរការដោយស្ថាបនិក៦រូបដែលមានបទពិសោធន៍ខ្ពស់ក្នុងវិស័យអចលនទ្រព្យនៅទីក្រុងហុងកុង សហរដ្ឋអាមេរិក ប្រទេសចិន ប្រទេសថៃ ប្រទេសម៉ាឡេស៊ី និងប្រទេសតៃវ៉ាន់។នៅក្នុងឆ្នាំថ្មីនេះ Penta នឹងផ្តោតទៅលើប្រទេសដែលស្ថិតនៅក្នុងខ្សែក្រវ៉ាត់មួយផ្លូវមួយ ហើយប្រទេសកម្ពុជា គឺជាជំហានដំបូងនៅក្នុងគម្រោងរបស់ Penta។ Penta បានជ្រើសរើសប្រទេសកម្ពុជា ដើម្បីចាប់ផ្តើមអភិវឌ្ឍគោលនយោបាយ និងសេដ្ឋកិច្ច ការបើកទូលាយខាងលំហូរូបិយប័ណ្ណបរទេស និងតម្រូវការគេហដ្ឋានខ្ពស់សម្រាប់មនុស្សជំនាន់ក្រោយ។
លោកបានចោទជាសំណួរថា ហេតុអ្វីបានជាជ្រើសរើសប្រទេសកម្ពុជា? Penta ជ្រើសរើសប្រទេសកម្ពុជាជាប្រទេសដំបូង ដើម្បីចាប់ផ្តើមគម្រោងរបស់ខ្លួន ដោយសារមូលហេតុមួយចំនួនដូចជា ទី១ ដោយសាររូបិយប័ណ្ណកម្ពុជាមិនមានហានិភ័យចំពោះ Penta នោះទេ ព្រោះប្រាក់រៀលរបស់កម្ពុជា និងប្រាក់ដុល្លារសហរដ្ឋអាមេរិក គឺសុទ្ធតែអាចប្រើប្រាស់បានយ៉ាងទូលំទូលាយនៅក្នុងប្រទេសកម្ពុជា។ ទី២ ដោយសារប្រទេសនេះមានស្ថិរភាពខាង នយោបាយ និងមានសេដ្ឋកិច្ចរីកចម្រើនខ្លាំង នៅក្នុងរយៈពេល៣-៤ឆ្នាំនេះ ហើយនឹងរយៈពេល ៥ឆ្នាំទៅមុខទៀតផងដែរ។ ជាចុងក្រោយ យើងចាប់អារម្មណ៍ចំពោះឥរិយាបថរបស់ចំនួនអ្នកធ្វើការវ័យក្មេង ដែលមានអាយុជាមធ្យម២៤ឆ្នាំ។ ម្យ៉ាងទៀតចំនួនប្រជាជនវ័យក្មេងទាំងនោះគឺ មានតម្រូវការគេហដ្ឋានសម័យថ្មីជាខ្លាំងនៅក្នុងរយៈពេលប៉ុន្មានឆ្នាំខាងមុខនេះ ហើយពួកគេក៏បើកចិត្តទូលាយក្នុងការទទួលយកនូវការរចនាថ្មីប្រកបដោយការច្នៃប្រឌិតខ្ពស់របស់យើងផងដែរ ទាំងស្ថាបត្យកម្ម ទាំងការតុបតែងខាងក្នុងគេហដ្ឋាន ទាំងយុទ្ធសាស្ត្រទីផ្សារ ទាំងសំណង់អគារ និងទាំងការគ្រប់គ្រងអគារ។
លោក Sunny Yung និងអ្នកតុបតែងផ្នែកខាងក្នុង បានថ្លែងថា សិល្បៈនៃការសាងសង់។ Soleil 88 គឺបានអភិវឌ្ឍផ្ទះបែបទីក្រុងចំនួន៨៨ផ្ទះ។ សួនច្បារគឺស្ថិតនៅក្នុងគម្រោងអភិវឌ្ឍ របស់យើង ដើម្បីបង្កើតបានជាគេហដ្ឋានល្អប្លែកពីគេ។ ជាមួយនឹងការបែងចែកច្រកចេញចូល ដែលមានភាពរឹងមាំ ដើម្បីការពារសុវត្ថិភាព។ យើងមានផ្ទះចំនួន២ប្រភេទគឺផ្ទះដែលមានកម្ពស់៣ជាន់ និងផ្ទះដែលមានកម្ពស់៤ជាន់។ ប្លង់មូលដ្ឋានគឺធ្វើការកែប្រែជាន់ឡៅតឿអោយទៅជាជាន់ធំទូលាយពេញលក្ខណៈ ដើម្បីបែងចែកបន្ទប់អោយមានភាពស្រឡះ និងខ្ពស់។ កាំជណ្តើរមួយកាំៗគឺមានភាពរលោងស្អាត និងមានភាពងាយស្រួលក្នុងការឡើង គឺធ្វើឡើងជាពិសេសសម្រាប់គ្រួសារដែលមានកូនតូច និងមនុស្សចាស់។ នៅខាងមុខផ្ទះត្រូវបានសាងសង់ឡើងយ៉ាងប្រុងប្រយ័ត្នបំផុត។ ដើម្បីធ្វើអាយមានភាពខុសប្លែកពីផ្ទះល្វែងធម្មតា ទាំងមានភាពខុសប្លែកពីធម្មតា ទីធ្លាយ៉រខាងមុខផ្ទះត្រូវបានរៀបចំយ៉ាងពិសេសសម្រាប់ផ្ទះនីមួយៗ។ ពណ៌មាស ដែលជាពណ៌តំណាងអោយពណ៌ព្រះអាទិត្យ ត្រូវបានប្រើប្រាស់សម្រាប់ពណ៌ផ្ទះ ដើម្បីបំពេញទៅតាមចំណង់ចំណូលចិត្តរបស់ប្រជាជនខ្មែរ និងផ្តល់នូវភាពទាន់សម័យដល់ផ្ទះផងដែរ។ ពណ៌ស្វាយត្រូវបានប្រើប្រាស់ជាមួយនឹងផ្ទះដែលមានកម្ពស់៤ជាន់ ដើម្បីបង្ហាញពីភាពអស្ចារ្យនៃផ្ទះទាំងមូល។ ផ្ទះដែលមានកម្ពស់៣ជាន់ និងមាន៤បន្ទប់គេង គឺទទួលបានការពេញនិយមជាខ្លាំងនៅក្នុងប្រទេសកម្ពុជា ចំណែកផ្ទះដែលមាន៤ជាន់ គឺអាចបត់បែនក្នុងការប្រើប្រាស់ ដែលអាចប្រើប្រាស់ជាកន្លែងធ្វើពាណិជ្ជកម្មក៏បាន ធ្វើជាលំនៅដ្ឋានស្នាក់នៅក៏បាន។ អ្នកអាចធ្វើការនៅជាន់ទី១ និងជាន់ទី២ ហើយស្នាក់នៅនៅជាន់ទី៣ និងជាន់ទី៤ យ៉ាងងាយស្រួល។ ចំណែកសួនច្បារនៅជាន់ដំបូលវិញគឺជាការបន្ថែមទៅដល់ផ្ទះនីមួយៗ។ បន្ថែមពីនេះ នៅមានបរិវេណខាងក្រៅផ្ទះ ដែលអ្នកអាចសម្រាក ឬក៏កម្សាន្តជាមួយនឹងសកម្មភាពមួយចំនួននៅបរិវេណខាងក្រៅនេះផងដែរ។
សំណង់ ជាមួយនឹងការគ្រប់គ្រងគម្រោង ។ សម្រាប់គម្រោងផ្ទះល្វែងរបស់ Soleil 88បន្ទាប់ពីកិច្ចប្រជុំជាមួយក្រុមការងារគ្រប់គ្រងគម្រោង យើងបានធ្វើការសម្រេចចិត្ត បែងចែកការសាងសង់ទាំងមូលជា៤ដំណាក់កាល ដើម្បីបង្កើនវឌ្ឍនភាពនៃការសាងសង់ ដោយផ្តោតលើគុណភាពជាចម្បង។
ដំណាក់កាលទី១ រួមបញ្ចូលទាំងការសាងសង់ផ្ទះគំរូចំនួន២ គឺ “ផ្ទះក្នុងក្តីស្រមៃ” និង “ផ្ទះដ៏ល្អបំផុត” ដែលបានសាងសង់រួចរាល់នៅមុនថ្ងៃបើកលក់ជាផ្លូវការរបស់យើងនៅថ្ងៃទី១១ ខែកុម្ភៈ ឆ្នាំ២០១៩នេះ។ សម្រាប់ផ្ទះក្នុងក្តីស្រមៃ គម្រោងរបស់ស្ថាបត្យករយើង លោក Sunny Yung និងអ្នកតុបតែងផ្នែកខាងក្នុង Dorothy Chan បានរៀបចំបញ្ចូលគ្នារវាងស្ថាបត្យកម្ម និងការតុបតែងផ្ទៃខាងក្នុង ដើម្បីបង្កើន “ក្តីស្រមៃ” សម្រាប់ការគ្រប់គ្រងអចលនទ្រព្យរបស់ពួកគេ។ សម្រាប់ផ្ទះដ៏ល្អបំផុត គឺឆ្លុះបញ្ចាំងពីស្តង់ដារ ដែលផ្តល់នូវសេរីភាពសម្រាប់ម្ចាស់អចលនទ្រព្យ ដើម្បីផ្តល់នូវអារម្មណ៍ដ៏ល្អបំផុតសម្រាប់ពួកគេផងដែរ។ នៅសល់ផ្ទះល្វែងចំនួន៨៦ទៀត នឹងត្រូវសាងសង់នៅក្នុងដំណាក់កាលទី២ ដល់ដំណាក់កាលទី៤ ដែលនឹងត្រូវប្រកាស បន្ទាប់ពីថ្ងៃបើកលក់ជាផ្លូវការរបស់យើង ត្រូវបានបញ្ចប់ផងដែរ។ ដំណាក់កាលទាំង៣នេះ នឹងត្រូវបញ្ចប់ជាបន្តបន្ទាប់។ ដំណាក់កាលចុងក្រោយនឹងបញ្ចប់នៅក្នុងខែកញ្ញា ឆ្នាំ២០១៩ខាងមុខនេះ។ ជាមួយនឹងការតាមដាន និងគ្រប់គ្រងគម្រោងជាបន្តបន្ទាប់ ដោយក្រុមការងារគ្រប់គ្រងគម្រោង ដែលមានបទពិសោធន៍ខ្ពស់របស់យើងយើងនឹងត្រួតពិនិត្យការចំណាយលើការសាងសង់របស់យើងបានយ៉ាងល្អបំផុតនៅក្នុងដំណើរការគម្រោង។ ក្រោមគម្រោងដ៏ច្បាស់លាស់នេះ គឺយើងទទួលបានផលប្រយោជន៍ នៃគម្រោងរបស់យើងរហូតដល់១៧០លានដុល្លារសហរដ្ឋអាមេរិក។ តើនឹងអ្វីជាបន្តទៀត? Penta មានទំនុកចិត្តថា គម្រោងជាច្រើនទៀតនឹងត្រូវបានបង្កើតឡើងនៅក្នុងប្រទេសកម្ពុជា និងនៅក្នុងប្រទេសមួយចំនួនទៀតនៅក្នុងទ្វីបអាស៊ី។
លោក Sunny Yung បានលើកឡើងថា គម្រោងទាំងមូលគឺផ្ទះល្វែងដែលមានទទឹង៤ម៉ែត្រ និងជម្រៅ១៦ម៉ែត្រ ដែលមាន២ជាន់ជាមួយនឹងឡៅតឿ ដូច្នេះផ្ទះនេះមាន២ជាន់កន្លះ ហើយមានសរុបចំនួន៩៦ល្វែង។ ពួកយើងរីករាយដែលបានជួបអ្នកទាំងអស់គ្នា នៅក្នុងផ្ទះគំរូ និងចែករំលែកព័ត៌មានលម្អិតអំពីផ្ទះទៅកាន់អ្នកទាំងគ្នា។ យើងទទួលរាល់ការឆ្លើយតបរបស់លោកអ្នក យើងជឿជាក់ថានឹងមានការអភិវឌ្ឍខ្លួនដើម្បីធ្វើឲ្យវាកាន់តែប្រសើរឡើង ៕ ដោយ ៖ កូឡាប
