ខេត្តស្វាយរៀង ៖ លោក ផឹង និល ប្រធានសាខាកាំកុងត្រូលខេត្តស្វាយរៀង នៅព្រឹកថ្ងៃទី ១១ ខែ កុម្ភះ ឆ្នាំ២០១៩នេះបាន ដឹកនាំមន្ត្រីក្រោមឱវាទចុះពិនិត្យទំនិញគ្រប់មុខ នៅផ្សារវាលយន្តក្រុងស្វាយរៀងដើម្បីរកសារធាតុគីមី ដែលសង្ស័យថាត្រូវបានបងប្អូនអាជីវករដាក់ក្នុងមុខទំនិញបន្លែផ្លែឈើគ្រប់ប្រភេទរដែលច្បាប់ហាមឃាត់ក្នុងនោះមន្ត្រីយើងបានរកឃើញសារធាតុបូរ៉ាក់ដែលត្រូវបានអ្នកផលិតដាក់លើងៀតត្រីបបែលផ្អែមស្រស់ចំនួន៥.៥គីឡូក្រាមនិងដាក់សាធាតុគីមីលើជ្រក់ស្ពៃខៀវសាធាតុ ប្រភេទសាលីស៊ីលិច៦គីឡូក្រាម សមត្ថកិច្ចជំនាញបានធ្វើការដកហូតរួមនិងបានធ្វើកិច្ចសន្យាដោយមិនឱ្យបងប្អូនអាជីវករដាក់លក់តទៅទៀតទេ។
លោកបានអោយឲ្យដឹងទៀតថា ការចុះពិនិត្យមុខទំនិញនៅថ្ងៃនេះ ក្នុងបំណងធានាបាន «សុវត្ថិភាពម្ហូបអាហារ» ព្រោះវាមានសារសំខាន់ចាំបាច់ណាស់ ក្នុងសង្គម និងជីវភាពប្រចាំថ្ងៃ ការទទួលខុសត្រូវលើសុវត្ថិភាពម្ហូបអាហារ គឺជាការទទួលខុសត្រូវរួមគ្នា ទាំងស្ថាប័នជំនាញ ទាំងអ្នកនាំចូល អ្នកផលិត អ្នកចែកចាយ និងយើងទាំងអស់គ្នាជាអ្នកប្រើប្រាស់ផងដែរ ព្រោះសុខភាពគឺជាកត្តាចំបងនៃភាពរស់រាននៃជីវិត។
លោក ផឹង និល បានបញ្ជាក់ថា ការចុះពិនិត្យទំនិញបានធ្វើការពិនិត្យមុខទំនិញបានជាច្រើនមុខដោយបានផ្តោតសំខាន់ទៅលើបន្លែផ្លែឈើ ត្រី សាច់ ងៀត គ្រឿងឧបភោគបរិភោគប្រចាំថ្ងៃ ហើយបានណែនាំដល់អ្នកលក់ត្រូវបញ្ឈប់ដាក់លក់ជាបន្ទាន់នៅប្រភេទងៀតបបែលដែលផ្ទុកសារធាតុគីមីនេះ។
ប្រធានសាខារូបនេះ ក៏បានអំពាវដល់ប្រជាពលរដ្ឋទាំងអស់ នៅខេត្តស្វាយរៀង សូមមានការប្រយ័ត្នចំពោះការបរិភោគចំណីអាហារ ត្រូវពិនិត្យមើលស្លាកសញ្ញា ការបរិច្ឆេទឲ្យបានច្បាស់លាស់ មុននឹងទិញយកទៅបរិភោគជាពិសេសនៅក្នុងឪកាសបុណ្យភ្ជុំបិណ្ឌនិង ត្រូវចូលរួមលើកកម្ពស់សុខុមាលភាពទាំងអស់គ្នា ហើយមន្ត្រីកាំកុងត្រូល និងបន្តចុះតាមច្រករបៀង ព្រមទាំងពិនិត្យទំនិញ នៅតាមផ្សារនានានៅក្នុងខេត្តស្វាយរៀងឲ្យបានដូចភ្លៀងរលឹម។
នៅថ្ងៃដដែលនេះ មន្ត្រីកាំកុងត្រូលយើងបន្តចុះមកពិនិត្យរកមើលមុខទំនិញនៅកន្លែងតាំងពិព័ត៍របស់ថៃតាមស្ទង់លក់ទំនិញផងដែរប៉ុន្តែពុំមានរកឃើញមានដាក់នូវសាធាតុគីមីនោះទេ ៕ ដោយ ៖ វ៉ៃកូ
