ការពោលពាក្យស្រឡាញ់គឺជារឿងងាយស្រួលបំផុត ប៉ុន្តែការរស់នៅជាមួយគ្នាឲ្យមានសុភមង្គលមិនមែនជារឿងងាយនោះទេ។ ចំពោះនារីៗ ការរៀបការជាមួយនឹងបុរសដែលគេមិនសូវយល់ច្បាស់ ប្រៀបដូចជាការចាប់ឆ្នោតផ្សងសំណាងអញ្ជឹង។ បើចាប់ត្រូវ គេនឹងមានសុភមង្គល ប៉ុន្តែបើខុសវិញ គេច្បាស់ជាឈឹចាប់ពេញមួយជីវិត។
ទោះយ៉ាងណា មុននឹងសម្រេចចិត្តទទួលយកបុរសណាម្នាក់ នារីៗត្រូវមើលពីលក្ខណៈសម្បត្តិរបស់ពួកគេជាមុនសិន ហើយមិនគួរផ្តោតលើរូបសម្រស់ខ្លាំងពេកនោះទេ។
ខាងក្រោមនេះ CEN សូមបង្ហាញលក្ខណៈសម្បត្តិរបស់បុរសៗ ដែលនារីៗមិនគួរមើលរំលងឡើយ ៖
– បុរសដែលចេះគោរពអ្នក នឹងផ្តល់តម្លៃដល់អ្នកខ្ពស់ អ្នកគួរតែកុំឲ្យគេរំលងផុតពីអ្នកឲ្យសោះ ព្រោះអ្នកកំពុងតែមានមនុស្សដែលអាចផ្តល់សុភមង្គលដល់អ្នកហើយ។
– បុរសដែលមានមានចំណុចវិជ្ជមានច្រើនជាងអវិជ្ជមាន ហើយតាមញ៉ែអ្នកដោយមានចិត្តស្មោះ អ្នកគួរតែពិចារណា ព្រោះមិនសូវមានបុរសបែបនេះនោះឡើយ។
– បុរសដែលតែងយកចិត្តទុកដាក់ និងបារម្ភពីអ្នកគ្រប់រឿង ដោយធ្វើជាប្រិយមិត្តស្តាប់របស់អ្នកពេលដែលអ្នកមិនសប្បាយចិត្ត។ បុរសបែបនេះ អ្នកគួរតែថែរក្សាទុក ទើបទទួលបានសុភមង្គលពិត។
– បុរសដែលមានចិត្តទូលាយ មានចំណង់ចំណូលចិត្តរបស់ខ្លួន មានទម្លាប់ហាត់ប្រាណ ហើយមិនព្រោះតែមិត្តភក្តិ ហើយទុកអ្នកចោល ជាបុរសដែលអ្នកអាចពិចារណាបាន ព្រោះក្នុងចិត្តគេមានអ្នកហើយ៕ សុភ័ក្ត្រ
ប្រភព៖ health