អ្នកបើកបរសញ្ជាតិឥណ្ឌូណេស៊ីម្នាក់ឈ្មោះ Agus Tri Pamungas ដោយមិនប្រាកដក្នុងចិត្តពីផ្លូវចេញពី Banyuwangi ទៅកាន់ភូមិ Singakerta នៅតំបន់ Ubud , Bali បានសម្រេចពឹងពាក់លើប្រតិបត្តិការ Google Maps ដើម្បីនាំផ្លូវ ។ ព្រោះតែហេតុនេះគាត់ប៊ិះអស់ជីវិត ។
ពលរដ្ឋនៅតំបន់នោះប្រាប់ថា Agus បានបើកតាមផ្លូវដែលមានតែម៉ូតូធ្វើដំណើរបានប៉ុណ្ណោះ ។ “ពេលទៅដល់ស្ពានកាត់ (Agus) ប្រុងបែរក្បាលថយក្រោយវិញដែរ តែផ្លូវតូចចង្អៀត ទទឹងប្រមាណតែ ៣ម៉ែត្រ ។ ហេតុនេះ…មិនអាចបកក្បាលវិញ” ។ អស់ជម្រើស Agus បន្តដំណើរតាមផ្លូវតូចចង្អៀត ហើយសម្បូរដោយគ្រលុក បន្ទាប់មកក៏បានឡើងដល់ប្របមាត់ទន្លេ រួចធ្លាក់ចុះតែម្តង ។
ប្រជាជនក្នុងតំបន់បាននាំគ្នាស្ទុះស្ទារជួយដល់អ្នកបើកបរ ។ សំណាងល្អដែលអ្នកបើកបរវ័យ ២៣ឆ្នាំនេះ រងរបួសស្រាលប៉ុណ្ណោះ ។
ឥឡូវអាជ្ញាធរបានដាក់ស្លាកបំរាមមិនឲ្យរថយន្តធ្វើដំណើរទៀត ។ តែចំពោះ Agus វិញពិតជាលែងជឿលើ google maps ទៀតហើយ ព្រោះប៊ិះតែ… អស់ជីវិត ៕ ចន្ទ្រា
