ភ្នំពេញ ៖ សាយ សំអាល់ រដ្ឋមន្ត្រីក្រសួងបរិស្ថាន បានលើកឡើងពីការគាំទ្រដល់ការចូលរួមរបស់ក្រុមហ៊ុនជប៉ុន ចូលរួមចំណែកវិនិយោគនៅកម្ពុជា។ ល៩ក សាយ សំអាល់ មានប្រសាសន៍បែបនេះ ក្នុងឱកាសទទួលជួបប្រតិភូសមាគមពាណិជ្ជករជប៉ុនប្រចាំកម្ពុជា(JBAC) ដឹកនាំដោយ លោក ណូរីម៉ាសា យ៉ាម៉ាសាគី (Norimasa YAMAZAKI) ប្រធានសមាគមនៅទីស្តីការក្រសួងបរិស្ថាននៅព្រឹកថ្ងៃអង្គារ ៨កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹង ថ្ងៃទី១២ ខែកុម្ភៈ ឆ្នាំ២០១៩ ។
លោករដ្ឋមន្ត្រីក្រសួងបរិស្ថាន បានបញ្ជាក់បន្ថែមទៀតថា ក្រសួងត្រៀមលក្ខណៈសម្របសម្រួលទាំងផ្នែកច្បាប់ និងបច្ចេកទេសដើម្បីលើកទឹកចិត្តដល់ក្រុមហ៊ុនវិនិយោគ ដែលផ្តោតការយកចិត្តលើបទដ្ឋានបរិស្ថាន។
សូមបញ្ជាក់ថា សមាគមពាណិជ្ជករជប៉ុនប្រចាំកម្ពុជា(JBAC) មានសមាជិកចំនួនជាង២០០ក្រុមហ៊ុនជាសមាជិក ដែលខ្លះកំពុងវិនិយោគនៅកម្ពុជា។ នៅថ្ងៃអនាគត មានក្រុមហ៊ុនជប៉ុន មួយបន្ថែមទៀត មានបំណងកែច្នែសំរាមប្លាស្ទិក ដើម្បីផលិតជាសម្ភារៈប្រើប្រាស់នៅកម្ពុជា៕ ដោយ ៖ កូឡាប
