មេដឹកនាំបក្សប្រឆាំងរបស់ប្រទេសវេណេហ្ស៊ុយអេឡា លោក Juan Guaidó បានថ្លែងប្រាប់អ្នកគាំទ្ររាប់ម៊ឺននាក់របស់លោកថា នឹងនាំជំនួយមនុស្សធម៌ចូលក្នុងប្រទេសឲ្យបាន ទោះបីមានការប្រឆាំងពីប្រធានាធិបតី Nicolas Maduru។
លោកថ្លែងប្រាប់អ្នកគាំទ្រ នៅក្នុងទក្រុង Caracas ថា ជំនួយមនុស្សធម៌នឹងត្រូវនាំចូលក្នុងប្រទេសវេណេហ្ស៊ុយអេឡានៅថ្ងៃទី ២៣ ខែកុម្ភៈនេះ។
“ពួយើងមានប្រជាជនវេណេហ្ស៊ុយអេឡាជិត ៣០០.០០០នាក់ ដែលអាចស្លាប់ប្រសិនជាគ្មានជំនួយ ហើយក៏មានប្រជាជនជិត ២លាននាក់ផងដែរដែលកំពុងមានបញ្ហាសុខភាព”។
លោក ក៏បានប្រាប់ទៅដល់ប្រធានាធិបតី Nicolas Maduroឲ្យចាក់ចេញពីតំណែងផងដែរ។
កាលពីសប្តាហ៍មុន ប្រធានាធិបតី Nicolas Maduro បានបដិសេធមិនទទួលយកជំនួយពីរបរទេសឡើយ ព្រោះលោកខ្លាចថា ការអនុញ្ញាតិឲ្យឡានដឹកជំនួយមនុស្សធម៌ចូលក្នុងប្រទេស អាចនឹងមានការអន្តរាគមន៍ពីយោធាអាមេរិច ដើម្បីទំលាក់រូបលោកចេញពីតំណែង។
ឡានដឹកជំនួយជាច្រើនគ្រឿងរបស់អាមេរិចបានធ្វើដំណើរមកដល់ព្រំដែនប្រទេសកូឡុំប៊ី ប៉ុន្តែឡានទាំងនោះត្រូវចតនៅក្បែរស្ពាន Tienditas បន្ទាប់ពីត្រូវរារាំងដោយកងទ័ពវេណេហ្សុយអេឡា៕ សុភ័ក្ត្រ
ប្រភព៖ BBC