ខេត្តស្វាយរៀង ៖ នៅព្រឹកថ្ងៃទី១៦ ខែកុម្ភៈ ឆ្នាំ២០១៩នេះ វេលាម៉ោង៩និង០០នាទី មានកម្មករកម្មការិនីរោងចក្រ បៃផលិតអំពូលភ្លើង នៅក្នុងតំបន់សេដ្ឋកិច្ចស្វាយរៀង ហ្គីហ្គារីសស៍ ស្ថិតក្នុងភូមិ ដើមពោធិ៍ ឃុំ កណ្តៀងរាយ ស្រុក ស្វាយទាប ខេត្ត ស្វាយរៀង។
បើតាមកម្មកាវិនីម្នាក់បានប្រាប់ឲ្យដឹងថា៖នៅវេលាម៉ោងកើតហេតុខាងខណះដែលកំពុងធ្វើការដូចសព្វមួយដងស្រាប់តែមានធុមក្លិនផ្សែងៗបណ្តាលវិលមុខ ដកដង្ហើមថប់ៗក្អួតចង្អោរ ដួលបន្លប់ជាបន្តបន្ទាប់ត្រូវបានមិត្តរួមការងារនិងពេទ្យប្រចាំការជួយសង្គ្រោះនិងដឹកមកកាន់មន្ទីរពេទ្យបង្អែកជីភូដើម្បីធ្វើការសង្គ្រោះ។
តាមការឱ្យដឹងពីសំណាក់លោកគ្រូពេទ្យបានឱ្យដឹងថា ៖ ចំពោះក្រុមកម្មការិនីរោងចក្រដែលចូលមកសំរាកព្យាបាលនៅមន្ទីរពេទ្យបង្អែកជីភូព្រឹកនេះគឺមានចំនួន២៧នាក់ មកពីរោងចក្របៃហុងនៅតំបន់សេដ្ឋកិច្ចពិសេសស្វាយរៀងហ្គីហ្គារីសស៍ស្ថិតក្នុងឃុំកណ្តៀងរាយ ស្រុកស្វាយទាប ខេត្តស្វាយរៀង។
ប្រភពខាងលើបានឱ្យដឹងទៀតថា ៖ មូលហេតុដែលបណ្តាលឱ្យក្រុមកម្មការិនីរោងចក្រមានការដួលសន្លប់ដូច្នេះគឺបញ្ហា សុខភាពខ្វះជាតិស្ករហើយក៏កើតមានអាការៈវិលមុខអស់កំលាំងល្ហិតល្ហៃបណ្តាលឱ្យដួលសន្លប់តៗគ្នាតែម្តងទៅ។
បច្ចុប្បន្នអ្នកដែលបានធូរស្រាលក៏បានត្រឡប់ទៅផ្ទះវិញជាបណ្តើរៗហើយផងដែរមិនមានអ្នករងគ្រោះធ្ងន់ធ្ងរនោះទេគ្រាន់តែមានអាការៈថប់ដង្ហើមបន្តិចបន្តួចតែប៉ុណ្ណោះ ៕ ដោយ ៖ វ៉ៃកូ
