ការប្រើដៃម្ខាងគូររូបជារឿងពុំងាយស្រួលបាត់ទៅហើយ ទម្រាំប្រើដៃ២ គូររូប ២ទៀតនោះ ។ ប៉ុន្តែវិចិត្រការិនីសញ្ជាតិហូឡង់ Rajacenna អាចធ្វើបានយ៉ាងល្អ ។
Rajacenna លេចវត្តមានគ្រាដំបូងនៅឆ្នាំ ២០១០ ទទួលបានគោរម្យងារវិចិត្រការិនីដៃទេព ជំនាញគូររូបមនុស្សប្រើខ្មៅដៃធម្មតាប៉ុណ្ណោះ ។
វេលាមួយនោះ នាងសាកល្បងហើយដឹងថា ខ្លួនអាចគូររូបបានទាំងដៃស្តាំ និងដៃឆ្វេង ។ សាកល្បងបន្តឃើញថាខ្លួនអាចគូររូបដៃទាំង២បានក្នុងពេលតែមួយ! ។
រឿងដែលគេស្មានពុំដល់ទៀតនោះគឺនាងទើបរៀនគូររូបពីឆ្នាំ ២០០៩ ពោលគឺ១ឆ្នាំមុនល្បីឈ្មោះប៉ុណ្ណោះ (២០១០) ។ ដើមឡើយក្នុងវ័យ ១៨ឆ្នាំ នាងធ្លាប់ធ្វើជាអ្នកបង្ហាញ
ម៉ូត ដើរតួឯកក្នុងខ្សែភាពយន្ត ល្ខោនកុនភាគទូរទស្សន៍ ហើយក៏ជា MC នៃកម្មវិធី Kinderjournaal របស់ស្ថានីយ៍ web-TV ដំបូងរបស់ហូឡង់សម្រាប់ឲ្យកុមារ ។
មនុស្សជាច្រើនពេលឮរឿងនេះ បានបង្ហាញនូវការមិនជឿសោះឡើយ រហូតដល់នាងថតវីដេអូបង្ហាញ ៕ ចន្ទ្រា
