ខេត្តស្វាយរៀង ៖ មនុស្សប្រុសស្រីចំនួន៣នាក់បានរងរបួសធ្ងន់និងស្រាលនៅក្នុងករណីគ្រោះថ្នាក់ចរាចរណ៍មួយរវាងម៉ូតូនិងរថយន្តបើកបរមិនប្រកាន់ស្តាំដែលហេតុការណ៍នៃគ្រោះថ្នាក់ខាងលើនេះបានកើតឡើងកាលពីវេលាម៉ោង១៤និង១៥នាទីរសៀលថ្ងៃអាទិត្យ ១៣កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹង ថ្ងៃទី១៧ ខែកុម្ភៈ ឆ្នាំ២០១៩ ស្ថិតនៅភូមិបន្លាស្អិត ឃុំច្រេស ស្រុកចន្ទ្រា ខេត្តស្វាយរៀង រវាងម៉ូតូ និងរថយន្ដ បើកបរបញ្ច្រាស់ទិសគ្នា ។
សមត្ថកិច្ចបានឱ្យក្រុមអ្នកសារព័ត៍មានដឹងថា ៖ មានករណីគ្រោះថ្នាក់ចរាចរណ៍មួយកើតឡើងស្ថិតនៅភូមិបន្លាស្អិត ឃុំច្រេស ស្រុកចន្ទ្រា ខេត្តស្វាយរៀង រវាងម៉ូតូ និងរថយន្ដ បើកបរបញ្ច្រាស់ទិសគ្នា បណ្តាលឱ្យមានមនុស្សប្រុសស្រីចំនួន៣បានរងរបួសធ្ងន់និងស្រាល ។ ជនរងគ្រោះទី១/ ឈ្មោះ ឆក សុផល ភេទ ប្រុស អាយុ ៥០ឆ្នាំ រស់នៅ សង្កាត់ចេក ក្រុងស្វាយរៀង ខេត្ត ស្វាយរៀង មុខរបរ កសិករ ជិះរថយន្ដម៉ាក Camery ឆ្លាមពណ៌ទឹកប្រាក់ ពាក់ស្លាកលេខភ្នំពេញ2 H.4074 បើកបរពីទិសខាងត្បូងទៅជើង ។ ទី២/ឈ្មោះ យ៉េត ស្រីពេជ ភេទស្រី អាយុ ១៤ឆ្នាំ រស់នៅភូមិត្រពាំងរុន ឃុំច្រេស ស្រុកចន្ទ្រា ខេត្តស្វាយរៀង បើកបរម៉ូតូម៉ាកHONDA.C125 ពណ៌ខ្មៅស្លាកលេខ ស្វាយរៀង.1k.0547 ទី៣- ឈ្មោះ វិន វត្តី ភេទស្រីអាយុ១០ឆ្នាំ មុខរបរសិស្ស រស់នៅភូមិ ឃុំជាមួយគ្នាជាអ្នករួមដំណើរជាមួយម៉ូតូ។
ប្រភពដដែលបានឱ្យដឹងទៀតថាៈមូលហេតុដែលបង្កឱ្យមានគ្រោះថ្នាក់ចរចរណ៍នេះកើតឡើងគឺបណ្តាលមកពីបើកបររថយន្ដមិនប្រកាន់ស្ដាំ។
បច្ចុប្បន្នមធ្យោបាយធ្វើដំណើរទាំងពីរបានយកទៅរក្សាទុកនៅអធិការដ្ឋាននគរបាលស្រុកចន្ទ្រា។ដោយឡែកជនរងគ្រោះបញ្ជូន ទៅព្យាបាលនៅមន្ទីពេទ្យបង្អែកជីភូ ។
ករណីគ្រោះថ្នាក់ចរាចរណ៍បណ្ដាលអោយមនុស្សរងរបូសចំនួន ០៣នាក់.ប្រុស០១នាក់(របួសធ្ងន់)៕ ដោយ ៖ វ៉ៃកូ