កណ្តាល ៖ សេនាធិការ នគរបាលស្រុកស្អាង បានឲ្យដឹងថា ករណីកូនចង្រៃ ដុតផ្ទះឪពុកម្តាយខ្លួនឯង បណ្តាលឲ្យឆេះអស់គ្មានសល់ នៅកើតហេតុថ្ងៃពុធ ទី២០ ខែកុម្ភៈឆ្នាំ២០១៨ វេលាម៉ោង ១៦និង១៥នាទីនៅចំណុចភូមិលេខ២ ឃុំស្វាយរលំ ស្រុកស្អាង ខេត្តកណ្ដាល ។
សម្ភារខូចខាតរួមមាន៖ ផ្ទះមានទំហំ ៦ម៉ែត្រគុន៧ម៉ែត្រ ១ខ្នង ប្រក់ស័ង្កសី ១ជាន់ ជញ្ជាំងឈើ ថ្ម និងសម្ភារប្រើប្រាស់ក្នុងផ្ទះមួយចំនួនធំ។ ឆេះខូចខាតទាំងស្រុង។ ម្ចាស់ផ្ទះឈ្មោះ តាត់ ភឿន ភេទស្រី អាយុ ៥៦ឆ្នាំ មុខរបរ កសិករ ទីលំនៅភូមិលេខ២ ឃុំស្វាយរលំ ស្រុកស្អាង ខេត្តកណ្ដាល និងផ្ទះ១ខ្នងទៀតមានទំហំ ៥,៥ម៉ែត្រ គុណ១២ម៉ែត្រ ១ខ្នង ធ្វើថ្ម ដំបូលចាក់បេតុង និង សម្ភារប្រើប្រាស់ក្នុងផ្ទះមួយចំនួនតូច ឆេះខូចខាតបន្តិចបន្ទួច។
សូមបញ្ជាក់ថា៖ នៅថ្ងៃខែឆ្នាំ និងវេលាកើតហេតុខាងលើ មានករណីអគ្គីភ័យឆេះផ្ទះអស់ចំនួន១ខ្នង និងឆេះរាលដាលដល់ផ្ទះអ្នករស់នៅ ជិតខាងគ្នា ចំនួនន១ខ្នងទៀត ដោយមូលហេតុ បណ្ដាលមកពីឈ្មោះ ភី វ៉ុង ភេទប្រុស អាយុ ២៤ឆ្នាំ ជនជាតិខ្មែរ ត្រូវជាកូនប្រុសបង្កើតរបស់ឈ្មោះ តាត់ ភឿន ជាម្ចាស់ផ្ទះ បានដុតបំផ្លាញផ្ទះដោយខ្លួនឯង។
ជនសង្ស័យឈ្មោះ ភី វ៉ុង ត្រូវកម្លាំងរាជអាវុធហត្ថស្រុកស្អាង ធ្វើការឃាត់ខ្លួនបានហើយ ៕ ដោយ ៖ កូឡាប