ប្តីប្រពន្ធមួយគូមកពីរដ្ឋ British Columbia ប្រទេសកាណាដា បានក្លាយជាជនរងគ្រោះនៃអំពើវាយប្រហារដោយទឹកអាស៊ីត ដោយបានបន្សល់ទុកម្នាក់ក្នុងចំណោមពួកគេ ត្រូវបានបញ្ជូនទៅសង្គ្រោះនៅមន្ទីរពេទ្យជាបន្ទាន់ ជាមួយរបួសការរលាកពាសពេញរាងកាយយ៉ាងធ្ងន់ធ្ងរ និងរបួសចាក់ជាច្រើនទៀត ។
Tram (Tammy) Nguyen និងមិត្តប្រុសរបស់នាងឈ្មោះ Seriously (Tom) Võ បានកំពុងស្ថិតនៅក្នុងទីក្រុង Quang Mai ប្រទេសវៀតណាម (នៅភាគខាងកើតនៃទីក្រុងហូជីមិញ) ដើម្បីអបអរបុណ្យចូលឆ្នាំថ្មី នៅពេលនោះ ស្រាប់តែមានអំពើវាយប្រហារដោយទឹកអាស៊ីដចៃដន្យនេះកើតឡើង ។
កាលពីថ្ងៃទី០៩ ខែកុម្ភៈ នៅម៉ោងប្រហែល ៧ និង ៣០ នាទីល្ងាច ប្តីប្រពន្ធមួយគូបានធ្វើដំណើរតាមម៉ូតូ ដើម្បីកាន់កន្លែងស្រស់ស្រូបអាហារពេលល្ងាច នៅពេលនោះ ពួកគេបានបត់ចោលផ្លូវមួយគ្មានភ្លើងបំភ្លឺ ។ នេះបើតាម Nguyen សរសើរនៅលើហ្វេសប៊ុក ។
បន្ទាប់ពីបានឆ្លងកាត់បុរស២នាក់នៅជុំវិញម៉ូតូចតនៅចិញ្ចើមផ្លូវ នាង Nguyen បានរំលឹកឡើងវិញថា ម៉ូតូមួយស្រាប់តែប្រដេញតាមអែបពួកគេជាច្រើនលើកក្រោយមក ។
នាងបានសរសេរបន្តថា៖ «រយៈពេលប្រហែល ៣០ ទៅ ៤០ វិនាទី ក្រោយមក ម៉ូតូដដែលនោះ បានមកអែបពួកយើងផ្នែកឆ្វេង និងបានស្រែកនូវអ្វីៗដែលពួកយើងពុំអាចស្តាប់បានច្បាស់ ហើយនៅពេលពួកយើងបែរទៅខាងឆ្វេង ស្រាប់តែពួកគេបានជះទឹកអាស៊ីដដល់ពួកយើងតែម្តង ។ Tom បានបាត់បង់ការគ្រប់គ្រងបើកម៉ូតូ ហើយយើងទាំងពីរបានដួលតែម្តង ។ មិនត្រឹមតែប៉ុណ្ណឹងទេ ម្នាក់ក្នុងចំណោមបុរស២នាក់នោះ បានដកកាំបិត ចូលមកចាក់លើជើងរបស់ Võ ទៀតផង» ។
Nguyen បាននិយាយថា ៩០% នៃផ្ទៃមុខរបស់ Võ បានត្រូវរលាកនៅក្នុងអំពើវាយប្រហារនេះ ដែលបណ្តាលឲ្យគាត់ពុំអាចបើកភ្នែកបានទាំងស្រុងទេ ដោយអាចមានលទ្ធភាពមើលឃើញត្រឹមប្រហែល ១៥ ទៅ ២០% ប៉ុណ្ណោះ ។ ជើងនឹងដៃទាំងសងខាងរបស់គាត់ក៏ត្រូវរលាក ហើយដាច់ដោយផ្លែកាបិតចំនួន ៣ កន្លែង នៅស្មងជើងរបស់គាត់ ដែលតម្រូវឲ្យពេទ្យដេរផងដែរ ។
ចំណេក Nguyen វិញ បានរងរបួសរលាកស្រាល នៅលើភ្លៅទាំងសងខាង, ដៃម្ខាង និងផ្អែកខាងឆ្វេងនៃមុខរបស់នាង ។
យោងតាម Global News បានរាយការណ៍ថា អ្នកទាំងពីរត្រូវបានបញ្ជូនទៅសង្គ្រោះបណ្តោះអាសន្ននៅក្នុងប្រទេសថៃ មុនពេលវិលត្រឡប់ទៅកាន់ប្រទេសកាណាដា ៕ រក្សា