តាម Sinchew បានរាយការណ៍ថា ដើម្បីទប់ស្កាត់មនុស្សពីការប្រើបាស់ខុសនូវទឹកស៊ីរ៉ូក្អកដែលត្រូវបានគេបង្កើតឡើង ទៅក្នុងទម្រង់ថ្នាំញៀនខុសច្បាប់ផ្សេងៗ នោះអ្នកដំណើរទាំងឡាយ មិនគួរនាំថ្នាំក្អកចូលក្នុងប្រទេសនេះបានទេ ។ ជាក់ស្តែង សេចក្តីជូនដំណឹងមួយត្រូវបានចេញកាលពីថ្ងៃទី០៤ ខែមករា ឆ្នាំ២០១៩ ថា អ្នកដំណើរម្នាក់ឈ្មោះ Zheng បច្ចុប្បន្នកំពុងជាប់ឃុំ បន្ទាប់ពីមន្ត្រីគយបានសង្ស័យថា គាត់កំពុងរត់ពន្ធគ្រឿងញៀនចូលប្រទេសចិន តាមរយៈទឹកស៊ីរ៉ូក្អក ។
គេពុំដឹងច្បាស់ថា ចំនួនទឹកស៊ីរ៉ូក្អក ដែលគាត់នាំយកចូលក្នុងប្រទេសចិន តាមរយៈទីក្រុង Shenzhen ទេ ប៉ុន្តែ មានប្រភពជាច្រើនដែលបានលើកឡើងថា គាត់បាននាំមកតែ១ដបប៉ុណ្ណោះ ។ នៅពេលដែល ហុងកុង នៅតែកំពុងចរាចរលក់ទឹកស៊ីរ៉ូក្អក លាយជាមួយនឹង codeine និង Ephedrine Hydrochloride នោះមានមនុស្សជាច្រើន ដែលបានកំពុងឆក់យកឱកាសនេះ ដើម្បីរត់ពន្ធវាចូលក្នុងប្រទេសចិន ។
គ្រឿងផ្សំនៅក្នុងទឹកស៊ីរ៉ូក្អក អាចត្រូវបានចម្រាញ់ចេញ ហើយបន្ទាប់មក បង្កើតទៅជាមេតំហ្វេតាមីនដែលខុសច្បាប់ ។ ទោះយ៉ាងណា ប្រសិនបើអ្នកនៅតែទទួចសុំយកដបទឹកស៊ីរ៉ូក្អកនេះតាមខ្លួន នោះអ្នកត្រូវតែមានវេជ្ជបញ្ជារបស់វេជ្ជបណ្ឌិត ដែលបង្ហាញថា អ្នកកំពុងមានដបនេះសម្រាប់ប្រើប្រាស់ផ្ទាល់ខ្លួន ៕ រក្សា
