តាកែវ ៖ កម្លាំងប៉ូលីសស្រុកបាទី បានចុះបង្ក្រាបករណីជួញដូរ និងប្រើប្រាស់សារធាតុញៀនខុសច្បាប់មួយ ស្ថិតក្នុងភូមិត្រាំខ្នារ ឃុំសូភី ស្រុកបាទី ឃាត់ខ្លួនមុខសញ្ញាជាជនសង្ស័យចំនួន ០៣នាក់ កាលពីថ្ងៃទី១៥ ខែធ្នូ ឆ្នាំ២០១៧ វេលាម៉ោង ១០និង៣០នាទី ។
លោក ង៉ាន់ សារី អធិការនគរបាលស្រុកបាទីបានឲ្យដឹងថាៈជនសង្ស័យចំនួន០៣នាក់រួមមាន ៖ ទី១ ឈ្មោះ ហូត សម មេសា ភេទប្រុស អាយុ១៧ឆ្នាំ មុខសញ្ញាប្រើប្រាស់ នៅភូមិ ត្រាំខ្នារ ឃុំសូភី ស្រុកបាទីខេត្តតាកែវ ទី២ឈ្មោះ លី សុខ ភេទប្រុស អាយុ១៨ឆ្នាំ មុខសញ្ញាប្រើប្រាស់ នៅភូមិផ្សារឫស្សី ឃុំតាំងដូង ស្រុកបាទី ខេត្តតាកែវ ទី៣ ឈ្មោះ សាន់ មុន្នីរក្សា ភេទប្រុស អាយុ១៧ឆ្នាំ មុខសញ្ញាប្រីប្រាស់ នៅភូមិត្រាំខ្នា ឃុំសូភី ស្រុកបាទី ខេត្តតាកែវ និង ដកហូតវត្ថុតាងដូចជា៖ ដបសំរាប់ជក់បី ដែកកេះចំនួន១១ ទូរស័ព្ទអិនចុចពិលចំនួន០២គ្រឿង កូនកាំបិតចុងស្រួចចំនួន០១ និង សម្ភារសំរាប់ប្រើប្រាស់មួយចំនួនទៀត។ បច្ចុប្បន្នសមត្ថកិច្ចកំពុងកសាងសំណុំរឿងបញ្ជួនជនសង្ស័យទាំងបីនាក់ រួមនិងវត្ថុតាងទៅតុលាការហើយ៕ តាកែវ