ខេត្តស្វាយរៀង ៖ ដោយសារតែការបើកបរមានការធ្វេសប្រហែសបានបណ្តាលឱ្យមនុស្សប្រុសស្រី៣នាក់ បានរងរបួសដោយសារជួបគ្រោះថ្នាក់ចរាចរណ៍រមួយវាងម៉ូតូនិងម៉ូតូដែលបណ្តាលមកពីបត់ឆ្វេងខ្វះការប្រុងប្រយ័ត្នត្រូវអ្នកធ្វើដំណើរស្របទិសគ្នាមកពីក្រោយបុកចំពីចម្ហៀងពេញទំហឹងបណ្តាអោយមានអ្នករងរបួសតែម្តង។ ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៧និង១០នាទីរសៀលថ្ងៃអាទិត្យ ០៥រោច ខែមាឃ ឆ្នាំច ព.ស២៥៦២ត្រូវនិងថ្ងៃទី២៤ ខែ កុម្ភៈ ឆ្នាំ២០១៩នេះ នៅលើផ្លូវជាតិលេខ០១ ត្រង់ចំណុចចន្លោះគីឡូម៉ែត្រ ១៣២/១៣៣ ស្ថិតក្នុង ភូមិ សាមគ្គី សង្កាត់ ស្វាយតឿ ក្រុងស្វាយរៀង ខេត្ត ស្វាយរៀង ។
បើតាមប្រភពពីកន្លែងកើតហេតុបានឲ្យដឹងថា៖នៅមុនពេលកើតហេតុគេឃើញម៉ូតូម៉ាក វ៉េវ ពណ៌ខ្មៅ ស្លាកលេខ ស្វាយរៀង ១I ៤៨៤២ បើកបរដោយឈ្មោះ សោម សម្ភស្ស ភេទស្រី អាយុ២១ឆ្នាំ មុខរបរ និស្សិត រស់នៅភូមិ ព្រៃសម្ភ័រ ឃុំ សំបួរ ស្រុកស្វាយទាប ខេត្តស្វាយរៀង រងរបួសស្រាល(ពាក់មួក) ធ្វើដំណើរទិសដៅលិចទៅកើតរួចបត់ឆ្វេង ។
ប្រភពបានបន្តទៀតថា៖លុះមកដល់ចំណុចកើតហេតុខាងលើ ត្រូវម៉ូតូមួយគ្រឿងទៀតម៉ាកហុងដាឌ្រីម ស៊េរីឆ្នាំ២០១៣ ពណ៌ខ្មៅ ស្លាកលេខ ស្វាយរៀង ១H ៥២១៨ បុកពីចំហៀងខាងឆ្វេង ក្នុងទិសដៅស្របគ្នា បើកបរដោយឈ្មោះ សយ សុខជា ភេទប្រុស អាយុ ៣១ឆ្នាំ មុខរបរ កម្មករ រស់នៅភូមិចំបក់ សង្កាត់ ចេក ក្រុងស្វាយរៀង ខេត្តស្វាយរៀង រងរបួសស្រាល (ពាក់មួក) មានអ្នករួមដំណើរ ០១នាក់ ឈ្មោះ ធឿន សុផាត អាយុ 12 ឆ្នាំភេទប្រុស មុខរបរសិស្ស រស់នៅភូមិឃុំជាមួយគ្នា រងរបួសស្រាល (ពាក់មួកសុវត្ថិភាព)។ ចំណែកអ្នករងរបួសត្រូវបានបញ្ចូនទៅសំរាកព្យាបាលនៅមន្ទីរពេទ្យខេត្តស្វាយរៀង។ចំពោះមធ្យោបាយទាំងពីរយកមករក្សាទុកនៅអធិការដ្ឋាននគរបាលស្រុកស្វាយទាបដើម្បីរងចាំធ្វើការដោះនៅពេលក្រោយ ៕ ដោយ ៖ វ៉ៃកូ