នារីមិនតិចនាក់ទេ ដែលសំឡឹងឃើញគ្រឿងអលង្ការ នាងពាក់ពិរជាស្ងើចណាស់! ។ ប៉ុន្តែពេលក្រឡេកឃើញសម្រស់កូនកម្លោះវិញ គេងាកមកច្រណែន ។
កូនក្រមុំ “ស្រោបមាស” ថ្ងៃមង្គលការៗ ។
នេះជារឿងមង្គលការបង្កឲ្យបណ្តាញសង្គមចិន “ពុះកញ្ជ្រោល” ព្រោះតែកូនក្រមុំពាក់មាសស្ទើដើរលែងរួច ខណៈកូនកម្លោះវិញ វ័យក្មេងសង្ហារស្រស់ស្អាត ។
នៅពេលឃើញកូនក្រមុំមានបែបនេះនោះ គេនាំគ្នាគិតថា តើបុរសណាមានភ័ព្វសំណាងរកបានប្រពន្ធមានបែបនេះនោះ? ។ ប៉ុន្តែគំនិតនេះមានការប្រែប្រួលពេលឃើញរូបរាងកូនកម្លោះដែលសង្ហារនៅក្មេងល្ហក់… ។
កូនកម្លោះសង្ហារស្រស់ស្អាត ហើយ…ក្មេងល្ហក់!
សង្គ្រាមពាក្យសម្តីចាប់ផ្តើមផ្ទុះឡើង ខណៈអ្នកខ្លះជូនពរកូនក្រមុំដែលរកបានគូស្រករស្រស់សង្ហារ ក្មេងបែបនេះ ហើយថាស្នេហាពិតជាគ្មានដែនកំណត់មែន ។ អាយុគ្រាន់តែជាតួលេខមួយប៉ុណ្ណោះ ។ និស្ស័យស្នេហ៍មិនរើសមុខមាត់ មានក្រទេ ។
ប៉ុន្តែមនុស្សមួយចំនួនទៀតបែរជាព្រមានកូនក្រមុំថា ៖ គេនៅក្មេងស្រស់សង្ហារបែបនេះ បែរជាមកយកនារីដែលចាស់ជាង ហើយសម្រស់បានត្រឹម “មធ្យមមើលបាន” គឺគ្មានអ្វីក្រៅប្រាថ្នា “ជីកយករ៉ែមាស” ពីនាងនោះទេ ។
ចុះប្រិយមិត្តយល់ឃើញយ៉ាងណាដែរ!
