ក្រោយកាប់រំលំយកឈើមូល ទៅលក់បានងាយៗនោះ គេបន្សល់ទុកនូវគល់ឈើមើលទៅប្រៀបដូចវត្ថុគ្មានវិញ្ញាណ គ្មានតម្លៃ ។
ប៉ុន្តែនៅក្នុងកែវភ្នែករបស់សិល្បៈចម្លាក់របស់វៀតណាម ពួកវាពិតជាមានតម្លៃ “មហាសាល” ហេតុនេះគេបន្តប្រមូលវិញគល់បេង ធ្នុង… ។
តាមរយៈបាតដៃប្រកបដោយទេពកោសល្យ គល់ឈើគ្មានវិញ្ញាណដែលគេប្រមូលទិញពី… ខេត្តយ៉ាឡាយ (ជាប់រតនៈគិរី) ក្នុងតម្លៃថោកៗ ឥឡូវក្លាយជាស្នាដៃសិល្បៈមានវិញ្ញាណ និងមានតម្លៃ… កប់ក្តោង ។
ថ្មីៗនេះមានគល់បេង និងឈើប្រណីតដទៃទៀតជាច្រើនត្រូវបានកែច្នៃជាវត្ថុសិល្បៈត្រូវបានគេដាក់តាំងលក់ក្នុងតម្លៃនឹកស្មានមិនដល់ នាខេត្តបាក់នីញ ។
រូបចម្លាក់ ៣ខាងលើ មានតម្លៃកប់ក្តោងតែម្តង ។
ស្នាដៃចម្លាក់នេះផលិតពីគល់ផ្កាបេង គេលក់តម្លៃ ១,២ ប៊ីលានដុង (ប្រមាណ ៦ម៉ឺនដុល្លារ) ។
វាមានតម្លៃតភ្ជាប់ប្រមាណ ២០% ប៉ុណ្ណោះ ។
គល់ផ្កាបេង ១នេះ ចម្លាក់បានទេវតា ១៨អង្គឯណោះ ។
ចម្លាក់សិល្បៈទាំងនេះមានតម្លៃទាបពីជិត ៤ម៉ឺនដុល្លារឡើង ។
នេះបានថាគេប្រើ “ខួរក្បាល” តែអាចរកលុយបានច្រើនជាង…ម្ចាស់គល់ឈើច្រើនដងណាស់! ។
មែនទេប្រិយមិត្ត! ពិតជាមហាស្រណោះមែន!
ចន្ទ្រា