នៅរសៀលថ្ងៃពុធទី២៧ ខែកុម្ភៈ ឆ្នាំ២០១៩ ឧកញ៉ា ម៉ុង ឫទ្ធី បានធ្វើក្នុងដំណើរនិវត្តន៍មកពីខេត្តស្ទឹងត្រែង រតនៈគីរី និងមណ្ឌលគិរីវិញ និងបានឈៀងចូលពិសារកាហ្វេហាងមួយតាមផ្លូវ ។ ប៉ុន្តែ លោកឧកញ៉ាពិតជារំភើបខ្លាំងណាស់ ដែលពុំនឹកស្មានថា មានក្មេងស្រីម្នាក់ចិត្តល្អ បានប៉ាវកាហ្វេដល់រូបលោកយ៉ាងនេះសោះ ព្រោះពុំស្គាល់នាងពីមុនមកផង ។
នេះបើយោងតាមផេកហ្វេសបុករបស់លោកឧកញ៉ា បានបង្ហោះរូប និងសរសេររៀបរាប់ថា៖ «វេលាម៉ោងបីរសៀលថ្ងៃពុធទី២៧ខែកុម្ភៈឆ្នាំ២០១៩ ក្នុងដំណើរនិវត្តន៍មកពីខេត្តស្ទឹងត្រែង រតនៈគីរី និងមណ្ឌលគិរីវិញ ឃើញហាងកាហ្វេនិកស្រេកឃ្លានផង ក៏ចូលរកទិញស្រាប់តែក្មេងស្រីម្នាក់នេះគាត់សុំចេញលុយអោយ (ប៉ាវ) ខ្ញុំសួរថាហេតុអីបានជាមកប៉ាវពូបេីយេីងមិនដែលស្គាក់មុខគ្នាផង នាងឆ្លេីយថាមិនដែលស្គាល់គ្នាមែនតែខ្ញុំសុំប៉ាវពូម្តង អរគុណច្រើនណាស់ក្មួយសម្រាប់ទឹកប្រាក់6$នេះ វាបានផ្តល់កិត្តិយសយ៉ាងធំធេងខ្លាំងណាស់សម្រាប់ពូ ។» ៕ រក្សា
