នាយករដ្ឋមន្ត្រីប៉ាគីស្ថាន Imran Khan នៅថ្ងៃពុធម្សិលមិញនេះ បានស្នើឲ្យមានចរចារជាមួយនឹងប្រទេសឥណ្ឌា ដើម្បីបន្ថយកម្តៅ ក្រោយពេលប៉ាគីស្ថានបានបាញ់ទម្លាក់យន្តហោះចំបាំងឥណ្ឌា ២គ្រឿងដែលបានហោះចូលក្នុងដែនអាកាសរបស់ខ្លួន នៅតំបន់ Kashmir ។
យន្តហោះឥណ្ឌាមួយគ្រឿងធ្លាក់នៅតំបន់ Kashmir ដែលគ្រប់គ្រងដោយប៉ាគីស្ថាន ខណៈមួយគ្រឿងទៀតធ្លាក់នៅក្នុងដែនដីឥណ្ឌា។ នេះបើតាមការបញ្ជាក់របស់ខាងភាគីប៉ាគីស្ថាន។
ក្រោយពេលមានការបាញ់ទម្លាក់យន្តហោះឥណ្ឌាបែបនេះ មានការព្រួយបារម្ភថា វាអាចបណ្តាលឲ្យមានសង្គ្រាមរវាងប្រទេសនុយក្លេអ៊ែរទាំងពីរ។
ប៉ាគីស្ថានក៏បានបញ្ជាក់ផងដែរថា ខ្លួនបានចាប់អ្នកបើកយន្តហោះឥណ្ឌាម្នាក់ ហើយប៉ាគីស្ថានថា ខ្លួនមិនចង់ឈានទៅរកសង្គ្រាមជាមួយនឹងប្រទេសជិតខាងនោះទេ។ ឥណ្ឌាក៏បញ្ជាក់ថា អ្នកបើកយន្តហោះម្នាក់របស់ខ្លួនបានបាត់ខ្លួន។
នាយករដ្ឋមន្ត្រីប៉ាគីស្ថាន ថ្លែងតាមកញ្ចក់ទូរទស្សន៍ថា ការវាយប្រហារតាមដែនអាកាសនោះបង្ហាញពីសមត្ថភាពរបស់ប៉ាគីស្ថាន ហើយលោកនិយាយថា មិនគួរមានការស្លាប់ និងខូចខាតនោះទេ។
គាត់បានស្នើសុំចរចារជាមួយនឹងឥណ្ឌាដើម្បីបន្ថយកម្តៅ ព្រោះប្រវត្តិសាស្ត្របានបានបង្ហាញថា សង្គ្រាមពោរពេញទៅដោយកំហុស៕ សុភ័ក្ត្រ
ប្រភព៖ Channelnewsasia
