ជើងហោះហើររបស់ក្រុមហ៊ុន British Airways ត្រូវបានបង្ខំចិត្តបោះបង់ការចុះចតរបស់ខ្លួននៅអាកាសយានដ្ឋាន Gibraltar កាលពីរសៀលថ្ងៃច័ន្ទ ចំពេលមានខ្យល់បក់បោកខ្លាំងនៅក្នុងតំបន់នោះ ។
វីដេអូដ៏គួរឱ្យចាប់អារម្មណ៍នេះបង្ហាញពីជើងហោះហើរ BA492 ចាកចេញពីទីក្រុងឡុងដ៍ បានរង្គោះរង្គើរយ៉ាងខ្លាំង នៅពេលយន្តហោះនេះប៉ុនប៉ងចុះចតនៅ Gibraltar ។
អ្នកបើកយន្តហោះ នៅទីបំផុតបានបោះបង់ការចុះចត ហើយបានបង្វែរទិសដៅទៅ Malaga ជំនួសវិញ ។
អ្នកនាំពាក្យរបស់ក្រុមហ៊ុនអាកាសចរណ៍ British Airways បានប្រាប់ Euronews ថា៖ “គ្មានចំណុចណាដែលមានគ្រោះថ្នាក់ដល់សុវត្ថិភាពទេ” ។
“ដោយសារតែខ្យល់បក់យ៉ាងខ្លាំងនៅក្នុងតំបន់ Gibraltar អ្នកបើកបរយន្តហោះរបស់យើង បានសម្រេចចិត្តចុះចតនៅ Malaga វិញ ដើម្បីសុវត្ថិភាពជាចម្បង ។
ទីបំផុត យន្តហោះបានចុះចតដោយសុវត្ថិភាព ហើយអ្នកដំណើរក៏បានចាកចេញពីយន្តហោះធម្មតាផងដែរ ៕ រក្សា
