ភ្នំពេញ៖ នៅព្រឹកថ្ងៃទី១ ខែមីនា ឆ្នាំ២០១៩នេះ អគ្គស្នងការដ្ឋាននគរបាលជាតិ និងមជ្ឈមណ្ឌលសកម្មភាពកម្ចាត់មីកម្ពុជា ធ្វើពិធីផ្ទេរ-ប្រគល់អាវុធធន់ស្រាលខូចគុណភាព ដែលប្រមូលបានពីជនល្មើស និងពីប្រជាពលរដ្ឋកន្លងមកចំនួនជាង១១.០០០ដើម ដើម្បីអង្គភាពស៊ីម៉ាក់យកទៅបន្សាប និងកាត់កម្ទេចចោល។
លោក ហេង រតនា អគ្គនាយកស៊ីម៉ាក់ នៅថ្ងៃទី២៨ ខែកុម្ភៈ ឆ្នាំ២០១៩នេះថា នៅថ្ងៃទី១ ខែមីនា ឆ្នាំ២០១៩នេះ អគ្គស្នងការគនរបាលជាតិ និងមជ្ឈមណ្ឌលសកម្មភាពកម្ចាត់មីនកម្ពុជា នឹងធ្វើផ្ទេរ-ប្រគល់អាវុធធន់ស្រាល ខូចគុណភាព ដែលប្រមូលបានពីជនល្មើស និងពីប្រជាពលរដ្ឋកន្លងមក ចំនួនជាង១១.០០០ដើម ដើម្បីអង្គភាពស៊ីម៉ាក់យកទៅបន្សាប និងកាត់កម្ទេច។ ការខិតខំរបស់រាជរដ្ឋាភិបាលនេះ ក៏បានបង្ហាញពីការពង្រឹងសន្តិសុខសុវត្ថិភាព កាត់បន្ថយអំពើហឹង្សាដោយសារអាវុធ ក្នុងព្រះរាជាណាចក្រនេះ។ សមិទ្ធផលនេះក៏បង្ហាញយ៉ាងច្បាស់ថែមទៀត នូវស្មារតីនៃគោលការណ៍ គោរពសិទិ្ធមនុស្ស និងលទិ្ធប្រជាធិបតេយ្យនៅកម្ពុជាផងដែរ ដោយសារការបន្តលុបបំបាត់ ភាពហឹង្សាដោយអាវុធនេះ។ ពីមុនយើងពឹងបរទេសដើម្បីបន្សាបអាវុធបែបនេះ ឥឡូវនេះរាជរដ្ឋាភិបាល អាចដោះស្រាយដោយខ្លួនឯង៕ ដោយ៖បញ្ញាស័ក្តិ
