ភ្នំពេញ : កាលពីថ្ងៃទី២៧ ខែកុម្ភៈ ឆ្នាំ២០១៩ ស្ត្រីរងគ្រោះដែលជាអ្នកចម្រៀងនៅភោជនីយដ្ឋាន បឹងមាសម្នាក់ បានត្រូវមន្ត្រីយោធាម្នាក់ ដែលអះអាងខ្លួនមានពាក់ផ្កាយ៣ បានហៅស្ត្រីខាងលើមករាំលេង ក្រោយមកជនបង្កក៏បានបបួលស្ត្រីរងគ្រោះទៅគេង តែត្រូវនាងបដិសេធ ក៏ទះកំផ្លៀងលើរូបនាងចំនួន ២ដៃ រួចក៏រត់គេចខ្លួនបាត់ទៅតែម្តង។
នាយទាហានពាក់ផ្កាយ៣ម្នាក់ គឺជាលោកឧត្តមសេនីយ៍ឯក ប៉ុល ស៊ីនួន មេបញ្ជការរងកងទ័ពជើងគោក បានយល់ព្រមផ្តល់ថវិកាសំណងជំងឺចិត្តចំនួន៨០០០ដុល្ការ ដល់ស្ត្រីអ្នកចម្រៀងឈ្មោះ យិន ស្រីពៅ បន្ទាប់ពី ស្ត្រីរងគ្រោះ ទេីបរូបនាងក៏បានទៅដាក់ពាក្យបណ្ដឹងនៅកងរាជអាវុធហត្ថជ្រោយចង្វាេះ ហេីយករណីនេះ ក៏ត្រូវបានរុញបន្តមកដោះស្រាយនៅ កងរាជអាវុធហត្ថរាជធានីភ្នំពេញ ព្រោះជាករណីធ្ងន់ធ្ងរ។
ក្រោយពីមានការដោះស្រាយ និងសម្របសម្រួលរួចមក ជនបង្កហេតុ ដែលជាមន្ត្រីយោធាពាក្យផ្កាយ៣ បានសម្រេចសងសំណងជំងឺចិត្តនូវទឹកប្រាក់ចំនួន ៨ពាន់ដុល្លារ ហេីយនាព្រឹកថ្ងៃទី២ ខែកុម្ភៈ ឆ្នាំ២០១៩នេះដែរ រូបនាងក៏បានធ្វេីដំណើរទៅកាន់ ទីបញ្ជាការដ្ឋានកងរាជអាវុធហត្ថក្រុង ដើមដើម្បីទទួលនូវថវិកានេះផងដែរ។
លោកហេង ឡុង បានសរសេរថា យុត្តិធម៌ត្រូវតែមាន សូមអបអរសាទរតារាចម្រៀង យិន ស្រីពៅ ដែលត្រូវបានទះកំផ្លៀ ងដោយមន្ត្រីទាហានផ្កាយ3 មួយរូបកាលពីរាត្រីថ្ងៃទី 27 នៅភោជនីយដ្ឋានបឹងមាស ត្រូវបានសម្របសម្រួលសងជំងឺចិត្ត8ពាន់ដុល្លារ៕ ដោយ: បញ្ញាស័ក្តិ
