ខេត្ដកំពង់ស្ពឺ ៖ គ្រោះថ្នាក់ចរាចរបង្កឡើងរថយន្ត HYUNDAI បុកម៉ូតូម៉ាក Dream ក្នុងទិសដៅបញ្ច្រាសគ្នា បណ្ដាលឲ្យអ្នកបើកម៉ូតស្លាប់នៅពេលបញ្ជូនទៅសង្គ្រោះនៅមន្ទីរពេទ្យ ចំណែកតៃកុងឡាន បិតសាប៊ូ តែម្ដង ។
ករណីគ្រោះថ្នាក់ចរាចរ នៅលើកំណាត់ផ្លូវលេខ១៤៣ ស្ថិតក្នុងភូមិស្គុះ សង្កាត់ស្វាយក្រវ៉ាន់ ក្រុងច្បារមន កាលពីវេលាម៉ោង ១៩និង១០នាទី ថៃ្ងទី០៣ ខែមិនា ឆ្នាំ២០១៩ បង្កឡើងដោយរថយន្តមួយគ្រឿង ម៉ាក HYUNDAI ពណ៌ស ស្លាកលេខ ភ្នំពេញ 3A 1594 បើកបរក្នុងទិសដៅបញ្ច្រាសគ្នាបានបុកជាមួយម៉ូតូមួយគ្រឿង ម៉ាក Dream C125cc ស្លាកលេខភ្នំពេញ1CG 0006 ជនរងគ្រោះមានឈ្មោះម៉ែន សុខា ភេទ ប្រុស អាយុ ៤០ឆ្នាំ រស់នៅភូមិព្រាល ឃុំស្វាយរំពា ស្រុកបរសេដ្ឋ ខេត្តកំពង់ស្ពឺ(ស្លាប់នៅមន្ទីពេទ្យ) ចំណែកអ្នកបើកឡានរត់គេចខ្លួនបាត់ ប៉ុន្តែនៅសល់ឯកសារក្នុងឡាន មានឈ្មោះហេង សំអុល ភេទប្រុស អាយុ ៤៣ រស់នៅភូមិវាល ឃុំរលាំងចក ស្រុកសំរោងទង ខេត្តកំពង់ស្ពឺ កំពុងតែធ្វើការស្រាវជ្រាវរកម្ចាស់រថយន្ដ ។
ក្នុងហេតុការណ៍គ្រោះថ្នាក់ចរចរខាងលើ តាមការបញ្ជាក់នគរបាលចរាចរណ៍ ដែលបានចុះដល់កន្លែងកើតហេតុ ឲ្យដឹងថាបណ្តាលមកពីការបេីកបរ មិនគោរពសិទ្ធអាទិភាពប្រកាន់ស្ដាំ ។
បច្ចុប្បន្នវត្ថុតាងរួមទាំងរថយន្ដ ម៉ូតូផ្នែកចរាចរណ៍ ក្រុងច្បារមនបានប្រគល់ និងបញ្ជូនយកទៅ រក្សាទុកបណ្ដោះអាសន្ន ការិ.ចរាចរណ៍ខេត្តកំពង់ស្ពឺ ដើម្បីកសាងសំណុំរឿងចាត់ការតាមនីតិវិធីច្បាប់ ៕ ដោយ ៖ កូឡាប