នេះជាខណៈពេលដ៏រន្ធត់ ដែលក្មេងប្រុសជំទង់ម្នាក់ត្រូវបានស្លាប់យ៉ាងអាណោចអាធម ដោយសារតែដំរីដ៏ធំរបស់ខ្លួន ទម្លាក់ខ្លួនដេក និងកិនពីលើទាំងកម្រោលរហូតដាច់ខ្យល់ស្លាប់ភ្លាមៗតែម្តង ខណៈកំពុងងូតទឹកឲ្យវា ។ ហេតុការណ៍ដ៏រន្ធត់នេះបានកើតឡើង នៅក្នុងស្រុក Karappuzha ទីក្រុង Kottayam ប្រទេសឥណ្ឌា ។
តាមរយៈវីដេអូ បានបង្ហាញឲ្យឃើញក្មេងប្រុសជំទង់ម្នាក់ជាម្ចាស់ បានកំពុងឈរបាញ់ទឹកដុសលាងខ្លួនដំរីនៅចំហៀងខាងឆ្វេង និងប៉ុន្តែ ខណៈពេលក្មេងប្រុសនោះបែរខ្នងចេញពីវាពុំបាន២វិនាទីផង ស្រាប់តែដំរីនោះទម្លាក់ខ្លួនដេកបណ្តាលឲ្យកិនពីលើទាំងកម្រោលតែម្តង ។
បន្ទាប់ពីបានដឹងហេតុការណ៍ដ៏រន្ធត់នេះកើតឡើង ក្មេងប្រុសម្នាក់ដែលត្រូវជាបងប្អូននឹងគ្នា បានរត់មកជួយសង្គ្រោះភ្លាមៗ ដោយបានប្រើរំពាត់ដេញឲ្យដំរីងើបឡើង ។ ប៉ុន្តែ គួរឲ្យសោកស្តាយខ្លាំងណាស់ ដែលបងប្អូនរបស់គេបានដាច់ខ្យល់ស្លាប់បាត់ទៅហើយ ៕ រក្សា
