តាមរបាយការណ៍របស់មណ្ឌលព័ត៌មានសីលធម៌សាធារណៈជាតិរបស់តុលាការប្រទេសចិនទាំងមូល បានចេញបញ្ជាទប់ស្កាត់ការទិញសំបុត្រយន្តហោះ រថភ្លើង ចំពោះពលរដ្ឋមាន “សីលធម៌អន់” ជាង ១៧,៥ លាននាក់ គិតត្រឹមចុងឆ្នាំ២០១៨ ។
ក្រៅពីនោះនៅមានករណី “សីលធម៌អន់ខ្លាំង” ប្រមាណ ៥,៥ លាននាក់ទៀត ស្ថិតក្នុង “បញ្ជីខ្មៅ” អំពី “សីលធម៌សង្គម” ហាមមិនឲ្យទិញសំបុត្ររថភ្លើង ។
តាម Guardian របាយការណ៍នេះទើបត្រូវបានចិនប្រកាសជាសាធារណៈកាលពីសប្តាហ៍មុន ។ របាយការណ៍គឺ ៖ “ការធ្វើឲ្យបាត់ជំនឿម្តងត្រូវរងកំហិតគ្រប់កន្លែង” ។
ពលរដ្ឋចិនប្រមាណជិត ២៣ លាននាក់ ត្រូវហាមមិនឲ្យទិញសំបុត្រយន្តហោះ សំបុត្ររថភ្លើង ព្រោះ…សីលធម៌អន់!
តាមនោះវាជាវិធានការហៅថា “ប្រព័ន្ធសីលធម៌សង្គម” បំណងប្រើប្រាស់ការពិន័យ -ឲ្យរង្វាន់ ដើម្បីលើកទឹកចិត្តឲ្យមានទង្វើ “ល្អ” ។ តាមឯកសារមួយរបស់ចិន ប្រព័ន្ធនេះមានតាំងពីឆ្នាំ ២០១៤ មកម្លេះ ហើយគោលដៅសំខាន់គឺ ៖ ដំណើរការរាលដាលពេញអាកាសវេហា ហើយក៏នឹងបណ្តាលឲ្យមនុស្សមិនល្អ សូម្បីដើរ១ជំហានក៏ពិបាក! ។
ទង្វើដែលឥទ្ធិពលដល់ “សីលធម៌សង្គម” មានច្រើនសណ្ឋានតាំពីការគេចមិនបង់ពន្ធ ទោសរដ្ឋប្បវេណី ឬក៏បង្កើតពាក្យចចាមអារាមមិនពិត ក៏ដូចជាការសេពគ្រឿងញៀន ។ល។
រដ្ឋអំណាចនៅតំបន់ជាច្រើនបានសាកល្បងប្រើប្រព័ន្ធនេះ ហើយពលរដ្ឋនៅទីនោះសុទ្ធតែមានសៀវភៅពិន្ទុ ។ យ៉ាងនេះក្តីក៏មានការរិះគន់ថារដ្ឋការចិនបានប្រើជ្រុលនូវបច្ចេកវិទ្យា និង “ទិន្នន័យដ៏សម្បើម” (bigdata) ដើម្បីតត្រួតត្រាសង្គម ។
តាមតុលាការចិន នៅឆ្នាំ ២០១៦ មានពលរដ្ឋតែ ៦,១៥ លាននាក់ ដែលរងការហាមឃាត់មិនឲ្យទិញសំបុត្រយន្តហោះ ព្រោះ “សីលធម៌អន់” ។
បច្ចេកវិទ្យាកំណត់អត្តសញ្ញាណផ្ទៃមុខត្រូវបានប្រើទូលំទូលាយ ។
រដ្ឋាភិបាលចិនបានប្រឹងហើយ ហើយបីក្រុមមកតាមទុកកប៉ាល់ (ក្រោយពុំអាចទិញសំបុត្រយន្តហោះ រថភ្លើង មានតែតាមផ្លូវទឹក) ចូលដល់កម្ពុជាហើយជ្រុលកូនខ្លាំងយ៉ាងណាក្តី មេត្តា…អនុគ្រោះផងចុះ ៕ ចន្ទ្រា