សត្វដែលវាស្រេកឃ្លានចំណី ពិតជាងាយប្រព្រឹត្តរឿងមិនគួរជឿ ពិសេសដំរីជាសត្វស្លូត តែដល់ឃ្លានវាហ៊ានកំទេចធុងអាហារ ប្លន់យកកញ្ចប់នំ បាយដំណើបនៅពីមុខហ្វូងមនុស្សតែម្តង ។
ហេតុការណ៍នេះកើតឡើងនៅតំបន់ពិចនិច នាទីក្រុង Nakhon Ratchasima ភាគឦសានប្រទេសថៃ ហើយប្លន់យកអាហារពីតៀមលក់ដូរមួយនៅពីមុខមនុស្សជាច្រើន ។
Nausflare ដែលបានចុះផ្សាយរឿងនេះ ប្រាប់ថាការវាយប្រហារដើម្បីប្លន់យកអាហារ ពុំបានបង្កគ្រោះថ្នាក់ដល់មនុស្សទេ ហើយចំណីអាហារត្រូវ “ប្លន់” ក៏ពុំច្រើនណាស់ណាទេ ។
ទិដ្ឋភាពថតបានបង្ហាញថា ដំរីនេះពិតជាស្រេកឃ្លាន ខណៈវាប្រើជើងជាន់កម្ទេចធុងជ័រ ដែលក្នុងនោះមាននំសាន់វេច និងអង្ករដំណើបដែលទុកក្នុងនោះ ។
“ជនទុរភិក្ស” បានដើរចេញទៅ បន្ទាប់ពីកម្ទេចបំណងប្លន់យក…អាហារ ។
តើកំហុសអ្នកណាទើបដំរី “ដាច់ហ្វូង” ស្លូតបូតបែបនេះ បែរជាមានទង្វើហ៊ានប្លន់ចំណីរបស់មនុស្ស១ហ្វូង ដោយពុំខ្លាចញញើត!? ចន្ទ្រា
