ស្ត្រីវ័យក្មេងដ៏ស្រស់ស្អាតម្នាក់ បានសម្រេចបញ្ចប់ជីវិតខ្លួនឯង ក្រោយពេលនាងបានឃើញ រូបថតស្រាតរបស់នាង ត្រូវគេដាក់លក់នៅលើបណ្តាញសង្គម។
ស្ត្រីវ័យ ១៩ឆ្នាំខាងលើ ដែលត្រូវគេស្គាល់ឈ្មោះថា Julissa កើតទុក្ខព្រួយ និងលំបាកចិត្តយ៉ាងខ្លាំង ក្រោយពេលប្រទះឃើញរូបស្រាតរបស់នាងលើអនឡាញ។
នាងបានក្លាយជាជនរងគ្រោះ និងគិតខ្លីដល់ថ្នាក់ចងកខ្លួនឯង ក្រោយគណនេយ្យមួយឈ្មោះ Packs de Monclova បានចែកចាយរូបភាពស្រាតរបស់នាង និងរូបភាពរបស់ស្ត្រី ៣០០នាក់ផ្សេងទៀត នៅលើបណ្តាញសង្គមដោយមិនមានការព្រមព្រៀងពីពួកគេ។
ប្រព័ន្ធផ្សព្វផ្សាយនៅក្នុងទីក្រុង Monclova ប្រទេសមិចស៊ិចកូ បាននិយាយថា មានបណ្តាញសង្គមជាច្រើនបានបង្ហាញឈ្មោះស្ត្រីជាច្រើន ដោយភ្ជាប់មកជាមួយរូបភាពគំរូរបស់ពួកគេ ហើយការធ្វើដូច្នេះ អ្នកប្រើប្រាស់អាចផ្តល់លុយអោយពួកគេ ប្រសិនជាអ្នកទាំងនោះចង់ឃើញរូបភាពស្រាតច្រើនទៀត របស់ស្ត្រីទាំងនោះ។
អ្នកប្រើប្រាស់អាចផ្ញើលុយតាមអនឡាញ ហើយពួកគេនឹងផ្ញើរូបភាពជាច្រើនទៅដល់អ្នកទិញទាំងនោះ។
ស្ត្រីស្រស់ស្អាតខាងលើ ត្រូវបានគេប្រទះឃើញចង់កសម្លាប់ខ្លួន ក្នុងបន្ទប់ទឹក តែមួយសប្តាហ៍ប៉ុណ្ណោះ ក្រោយពេលឃើញរូបភាពរបស់នាងត្រូវគេដាក់លក់អនឡាញ។
សមាជិកគ្រួសាររបស់ស្ត្រីខាងលើបាននិយាយថា “ពួកយើងបានរកឃើញថា មានក្រុមមួយក្នុងហ្វេសបុក បានបង្ហោះឈ្មោះ ដោយភ្ជាប់មកជាមួយរូបភាពស្រាតរបស់ស្ត្រីជាច្រើន ប៉ុន្តែពួកគេបានលុបវាចោលវិញ ដោយសារតែមានការស៊ើបអង្កេត”។
បច្ចុប្បន្ន អាជ្ញាធរក្នុងទីក្រុង Monclova កំពុងធ្វើការស៊ើបអង្កេតលើករណីរបស់នាង។
គ្មាននរណាបានដឹងទេថា តើគណនេយ្យនោះបានរូបភាពស្ត្រីជាច្រើនដោយរបៀបណាឡើយ៕ សុភ័ក្ត្រ
ប្រភព៖ Mirror
