តាកែវ ៖ តាមសេចក្ដីរាយការណ៍បឋម បានឲ្យដឹងថា មានករណីស្ត្រីម្នាក់ដេកស្លាប់ នៅផ្ទះសំណាក់ ប៉ាអ៊ី ម៉ាក់អ៊ី បង្កការភ្ញាក់ផ្អើល នៅវេលាម៉ោង ១២ថ្ងៃត្រង់ថ្ងៃទី៤ ខែមីនា ឆ្នាំ២០១៩ ស្ថិតភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ ។
តាមរបាយការណ៏បឋមរបស់សត្ថកិច្ចបានអោយដឹងថាជនរងគ្រោះ មានឈ្មោះ ឃិន ចន្តា មានអាយុ២១ឆ្នាំ ស្រុកកំណើតនៅភូមិកន្ទួត ឃុំស្រង៉ែ ស្រុកទ្រាំង ខេត្តតាកែវ មានមុខរបរ នារីខារ៉ាអូខេ ជុំមិត្ត ។
បើតាមសម្តីរបស់សន្តិសុខយាមយប់នៅក្នុងផ្ទះសំណាក់ប៉ាអ៊ីម៉ាក់អ៊ី បាននិយាយថា នារីរងគ្រោះជានារីបម្រើការងារនៅហាងផឹកស៊ី ជុំមិត្តនៅក្នុងយប់កើតហេតុនារីរងគ្រោះ រួមជាមួយបុរសម្នាក់បាននាំគ្នាចូលមកដេកក្នុងផ្ទះសំណាក់ នៅវេលាម៉ោង ១២ យប់រំលងអាធ្រាត ថ្ងៃកើតហេតុ លុះដល់ម៉ោងប្រហែលជា ១ ជាង ថ្ងៃដដែល ស្រាប់តែបុរសដែលមកជាមួយនារីរងគ្រោះខាងលើ ចុះមកមុនរួចប្រាប់សន្តិសុខថា ទៅទិញបបរសហូបបន្តិច តែមិនបានវិលមកវិញឡើយ លុះមួយសន្ទុះក្រោយមកសន្តិសុខរូបនោះបានឡើងទៅមើលតែបានឃើញទ្វារបន្ទប់បិទមិនជិត នៅចំហ ហើយឃើញនារីរងគ្រោះនោះកំពុងដេកទាំងអាក្រាត តែរូបលោកមិនបានដាស់នោះទេ ហើយក៏ទាញទ្វារនោះបិទវិញ រួចក៏ចុះមកក្រោមវិញ លុះដល់ភ្លឺឡើងម៉ោងប្រហែលជា ១២ថ្ងៃត្រង់ ទើបប្រាប់អោយអ្នកសំអាតនោះទៅដាស់នារីរងគ្រោះនោះ លុះអ្នកសំអាតបន្ទប់ឡើងទៅមើលក៏បានដឹងថានារីគ្រោះ បានស្លាប់បាត់ទៅហើយ រួចក៏មានការផ្អើលឆោឡោ ប្តឹងប៉ូលីសតែម្តងទៅ ។
ក្រោយពេលធ្វើកោសល្យវិច្ច័យរួចហើយសមត្ថកិច្ចជំនាញលោកនៅមិនទាន់បង្ហើបអោយដឹងពីករណីនារីដេកស្លាប់នៅក្នុងផ្ទះសំណាក់នេះកើតឡើងមកពីមូលហេតុអ្វីអោយច្បាស់ការនៅឡើយទេ តែសមត្ថកិច្ចបាននិងកំពុងដុតដៃដុតជើងខ្លាំងជាមួយនិងការសើបអង្កេតបន្ត ។ តែមតិរបស់ប្រជាពលរដ្ឋដែលមកមើលហេតុការណ៍ខាងលើបាននាំគ្នានិយាយថា សង្ស័យថាជាករណីឃាតកម្មច្រើនជាងធ្វើអត្តឃាត ៕ ដោយ ៖ តាកែវ