ស្រុករុក្ខគិរី ៖ មានករណី ប្រើប្រាស់ឧបករណ៍កែច្នៃ ( គ្រឿងផ្ទុះ) ដើម្បីបំផ្ទុះយកត្រី ខុសលក្ខណៈបច្ចេកទេសមួយបានកើតឡើង បណ្តាលឲ្យបុរសចំនួន ២ នាក់ រងរបួសធ្ងន់-ស្រាល និងត្រូវបានសង្គ្រោះបន្ទាន់ទៅ កាន់មន្ទីរពេទ្យ កាលពីរសៀលថ្ងៃ ទី ១៨ខែ ធ្នូ ឆ្នាំ ២០១៧ នៅក្បែរស្ទឹងបាសាក ក្នុងភូមិកែវមុន្នី ឃុំបាសាក់ ស្រុករុក្ខគីរី ខេត្តបាត់ដំបង ។
យុវជនរងរបួសដោយកែច្នៃគ្រាប់បែក ១-ឈ្មោះ ខួ តូរី អាយុ៣០ឆ្នាំ របួសធ្ងន់ ត្រូវបានបញ្ជួនសង្គ្រោះនៅមន្ទីរពេទ្យខេត្តបាត់ដំបង និង២-ឈ្មោះឈឹម ឆាន អាយុ៣៧ឆ្នាំ របួសធ្ងន់ស្មាខាងឆ្វេង ត្រូវបានបញ្ជូនទៅសង្គ្រោះនៅមន្ទីរពេទ្យ ។ អ្នកទាំងពីរនាក់រស់ នៅភូមិកើតហេតុខាងលើ ។
បើតាមការគូសបញ្ជាក់ពីលោក វរសេនីយ៍ទោ ស៊ា ធី អធិការនគរបាលស្រុករុក្ខគីរី ករណីមួយនេះបានកើត ឡើងក្នុងពេលក្រុមបុរសមានគ្នា៤ នាក់ រស់នៅក្នុងមូលដ្ឋានខាងលើ ទិញយកគ្រឿងផ្ទុះ (ប្រភេទរំសេវផាវធំៗ)នៅតាមទីផ្សារ យកមកកែច្នៃដើម្បី បោកបំផ្ទុះយកត្រីនៅក្នុងទឹកស្ទឹង ប៉ុន្តែដោយសារ ការកែច្នៃមិនបានត្រឹមត្រូវ ក្នុងខណៈ ពេលដែលឧបករណ៍កែច្នៃមួយនេះ មិនទាន់បាន បោះទម្លាក់ចូលទៅក្នុងទឹកស្ទឹងផង វាក៏បានផ្ទុះឡើងយ៉ាងកងរំពង និងបណ្តាលឲ្យបុរសចំនួន ២ នាក់ ក្នុងចំណោម ពួកគេ ចំនួន ៤ នាក់រងរបួស ។ ក្រោយកើតហេតុបន្តិចនគរបាលមូលដ្ឋានបានទៅដល់កន្លែងកើតហេតុ និងនាំស ង្គ្រោះពួកគាត់ទៅកាន់មន្ទីរពេទ្យ ។ នេះបើតាមការគូសបញ្ជាក់ពីលោក វរសេនីយ៍ទោ ស៊ា ធី អធិការនគរបាលស្រុករុក្ខគីរី។ បើទោះជាយ៉ាងនេះក្តីលោកអធិការនគរបាលស្រុក កំពុងស្វះស្វែងធ្វើការ ស្រាវជ្រាវលំអិតទាក់ទងទៅនឹងឧប្បត្តិហេតុនេះហើយ។
លោកបានបន្តថា ទាក់ទងទៅនឹងករណីគ្រឿងផ្ទុះនេះជារឿយៗលោក ឧត្តមសេនីយ៍ទោ អ៊ុច សុខុន ស្នងការ នៃ ស្នងការដ្ឋាននគរបាលខេត្តបាត់ដំបង តែងតែ លើកឡើងដល់នគរបាលមូលដ្ឋានយកចិត្តទុកដាក់ ផ្សព្វផ្សាយអប់រំណែនាំដល់ប្រជាពលរដ្ឋនៅ មូលដ្ឋានភូមិ ឃុំ ចំពោះការប្រើប្រាស់ ការកែច្នៃ គ្រឿងផ្ទុះគ្រប់ប្រភេទ ទោះក្នុងគោលបំណងអ្វីក៏ដោយ ព្រោះសកម្មភាព មួយនេះ ក្រៅពីអំពើល្មើសច្បាប់ក៏វាបានបង្កនូវគ្រោះមហន្តរាយ និងសោកនាដកម្មសម្រាប់អាយុជីវិតរបស់ពួក គាត់និងសហគមន៍ផងដែរ ៕ ដោយ ៖ បញ្ញាស័ក្តិ