តាកែវ ៖ រយៈពេល ២ថ្ងៃ ប៉ុណ្ណោះកំម្លាំងជំនាញនៃស្នងការដ្ឋាននគរបាលខេត្តតាកែវ ដឹកនាំបញ្ជាផ្ទាល់ដោយ ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានបំបែកសំណុំរឿងឃាតកម្មដ៏កក្រើតក្រុងដូនកែវ សម្លាប់នារីម្នាក់នៅក្នុងផ្ទះសំណាក់ ប៉ាអ៊ី ម៉ាក់អ៊ីហើយ ក្រោយឃាតករបានរត់គេចខ្លួនបានរយៈពេលពីរថ្ងៃ ។
បើតាមការអោយដឹងពីលោកអធិការក្រុងដូនកែវ លោកឥន្ទ មណ្ឌល់ បានអោយដឹងថា ករណីឃាតកម្មរំលោភសម្លាប់នេះគឺបានកើតឡើងនៅថ្ងៃទី ០៤ ខែមីនា ២០១៩ ឋិតនៅក្នុងផ្ទះសំណាក់ប៉ាអ៊ី ម៉ាក់អ៊ី ភូមិស្នោ សង្កាត់រកាក្នុង ក្រុងដូនកែវ ខេត្តតាកែវ ដោយក្នុងថ្ងៃនោះដែរ កំលាំងនគរបាលជំនាញ បានចុះធ្វើកោសល្យវិច្ច័យ ភ្លាមៗ ដោយបានសន្និដ្ឋានថា ករណីនារីវ័យក្មេងដេកស្លាប់នៅក្នុងផ្ទះសំណាក់នេះ គឺជាករណីឃាតកម្ម ដោយឃាតករធ្វើសកម្មភាពរំលោភរួច មូលករបំបាក់តែម្តង ។ ក្រោយពេលពិនិត្យនិងធ្វើកោសល្យវិច្ច័យរួច សមត្ថកិច្ចជំនាញ បានធ្វើការកំណត់មុខសញ្ញាបានភ្លាមៗ តែនៅមិនទាន់អោយរឿងនោះបែកចេញក្រៅឡើយ ពីព្រោះក្លាចជនសង្ស័យដឹងខ្លួនរត់គេចខ្លួន មានការពិបាកក្នុងការតាមចាប់ខ្លួន ។ លុះមកដល់រសៀលថ្ងៃទី ០៥ ខែមីនា ២០១៩នេះ ជនសង្ស័យត្រូវបានចាប់ខ្លួន វេលាម៉ោង១៦និង៣០នាទី ត្រង់ចំណុចភូមិថ្នល់បែក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ដោយកម្លាំងជំនាញស្នងការខេត្តតាកែវសហការណ៍និងកម្លាំងជំនាញស្នងការខេត្តកំពង់ស្ពឺទើបអាចចាប់ខ្លួនជនសង្ស័យបាន ជនសង្ស័យមានឈ្មោះ សុខ ចន្ធលីដា ភេទប្រុស អាយុ៣១ឆ្នាំ រស់នៅភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ ។
ក្រោយពេលដឹងចម្លើយសារភាពរបស់ជនសង្ស័យជាឃាតករឈ្មោះ សុខ ចន្ទលីដា បានសារភាពប្រាប់ប៉ូលីសថា
រូបគេរួមជាមួយនឹងនារីរងគ្រោះបានធ្លាប់ស្គាល់គ្នានោះមានរយៈពេល ៣ដងមកហើយ ដោយលើកទី០១ និងលើកទី០២ នោះរូបគេមិនបានធ្វើអ្វីទេ គ្រាន់តែហៅផឹកស៊ី និងដឹកដើរលេងទេ លុះមកដល់ការណាត់ជួបនិងហៅនាងមកដេកនៅក្នុងផ្ទះសំណាក់ប៉ាអ៊ីម៉ាក់អ៊ីនេះ គឺជាលើកទី៣ ទើបរូបគេសម្លាប់នាងចោល
ដោយសារតែទាស់ពាក្យសម្តីគ្នា ក្នុងពេលដែលកំពុងតែរួមភេទ ព្រោះក្នុងពេលដែលកំពុងដំណើរការបាន ២ទៅ៣នាទីនោះ ស្រាប់តែមានគេ(ជាសង្សារ)ខលទូរស័ព្ទមកនារីរងគ្រោះ និយាយមិនបានប៉ុន្មានផង និងមិនទាន់ចប់សព្វគ្រប់នោះ បែរជានារីរងគ្រោះ ប្រាប់ជនសង្ស័យថា បានហើយប៉ុណ្ណឹង នាងប្រញាប់ទៅជួបគេទៀត ដល់ពេលរូបគេជាជនសង្ស័យ លឺសម្តីរបស់នារីរងគ្រោះនិយាយបែបនោះ ទាំងខ្លួនកំពុងតែរួមរ័កជាមួយនាងមិនទាន់ចប់ផងនោះ រូបគេក៏កើតចិត្តមួយខឹងសម្បារយ៉ាងខ្លាំង ដោយឃាត់រូបនាងមិនអោយទៅណាទេ ចាំរួចរាល់ហើយចាំទៅ តែនារីរងគ្រោះហាក់បីដូចជាមិនស្តាប់ ហើយគម្រាមជនសង្ស័យវិញថា បើមិនអោយនាងទៅនាងនិងខាំអណ្តាតសម្លាប់ខ្លួន ទើបរូបគេជាជនសង្ស័យចាប់ផ្តើមធ្វើសកម្មភាពយកកែងដៃសង្កត់ករនាងរហូតនាងលែងរើបម្រាស់ ក៏ដកដៃចេញ រួចយកម្រាមដៃរបស់ខ្លួនទៅដាក់នៅរន្ធចម្រុះនាង
លែងមានដង្ហើមដក រូបគេបានងើបចេញពីខ្លួននាង ហើយស្លៀកពាក់ខោអាវចេញពីផ្ទះសំណាក់ រត់គេចខ្លួនតែម្តងទៅ ៕ ដោយ ៖ តាកែវ