(ខេត្តបន្ទាយមានជ័យ)៖ នៅថ្ងៃពុធ ១៥រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៦ ខែមីនា ឆ្នាំ២០១៩ មន្ត្រីសាខាកាំកុងត្រូលខេត្តបន្ទាយមានជ័យ បានធ្វើការដុតកម្ទេចចោលទំនិញចម្រុះដែលខូចគុណភាព និងហួសកាលបរិច្ឆេទប្រើប្រាស់ ចំនួន ៣៩៧ គីឡូក្រាម នៅក្បែរមន្ទីរពិសោធន៍ខ្នាតតូចក្នុងក្រុងប៉ោយប៉ែត ដែលមានការចូលរួមពីមន្ត្រីមន្ទីរពាណិជ្ជកម្មខេត្តផងដែរ ។
សូមជម្រាបផងដែរថា ទំនិញខូចគុណភាព និងហួសកាលបរិច្ឆេទប្រើប្រាស់ទាំងនេះ ត្រូវបានសមត្ថកិច្ចកាំកុងត្រូលត្រួតពិនិត្យឃើញ និងរឹបអូសបានពីតាមបណ្តាផ្ទះលក់ទំនិញ ម៉ាត និងផ្សារនានា នៅក្នុងបន្ទាយមានជ័យ ក្នុងរយៈពេល ៤ ដោយគិតចាប់ពី ខែវិច្ឆិកា ឆ្នាំ២០១៨ ដល់ខែកុម្ភៈ ឆ្នាំ២០១៩ កន្លងមកនេះ៕ ដោយ:បញ្ញាស័ក្តិ